ধুবুৰী পৰিবহণ বিভাগৰ কাৰ্যালয়ত উত্তপ্ত পৰিস্থিতি !

ধুবুৰী জিলাৰ পৰিবহণ বিভাগৰ কাৰ্যালয়ত উত্তপ্ত পৰিস্থিতি ৷ প্ৰজেশ ৰায় নামৰ এজন যুৱকে কাৰ্যালটোত দীৰ্ঘদিন ধৰি ধন সংগ্ৰহ কৰি অহাৰ অভিযোগ ৷ স্থানীয় ৰাইজে এই ঘটনাৰ বাবে কাৰ্যালয়টোত সৃষ্টি কৰে উত্তপ্ত পৰিস্থিতিৰ ৷ উত্তপ্ত ৰাইজক নিয়ন্ত্ৰণ কৰিবলৈ কাৰ্যালটোত মোতায়ন কৰা হয় আৰক্ষী আৰু চি.আৰ.পি, এফ জোৱান ৷

ধুবুৰী,3 মাৰ্চ: মঙলবাৰে উত্তপ্ত পৰিস্থিতিৰ সৃষ্টি হয় ধুবুৰী পৰিবহণ বিভাগৰ কাৰ্যালয়ত ৷ উত্তেজিত ৰাইজক নিয়ন্ত্ৰণ কৰিবলৈ মোতায়েন কৰা হয় আৰক্ষী আৰু চি আৰ পি এফৰ জোৱান ৷

ঘটনা অনুসৰি, প্ৰজেশ ৰায় নামৰ এজন যুৱকে দীৰ্ঘদিন ধৰি ধুবুৰী পৰিবহণ বিভাগৰ কাৰ্যালয়ত অবৈধ ভাৱে সংগ্ৰহ কৰি আহিছে ধন ৷ ধুবুৰী পৰিবহণ বিভাগৰ কাৰ্যালয়ৰ এম ভি আইৰ কোঠাতেই এই কাৰ্য সংঘটিত কৰি অহাৰ অভিযোগ স্থানীয় ৰাইজৰ ৷ পেচাত কোনো চৰকাৰী চাকৰিয়াল নহয় যদিও যুৱকজনে বিগত বহু বছৰ ধৰি কাৰ্যালয়তে কাম কৰি আহিছে ৷ জিলাখনৰ এম.ভি.আই এ কে সেনৰ নিৰ্দেশতে প্ৰজেশে সাধৰণ ৰাইজৰ পৰা সংগ্ৰহ কৰি আহিছিল ধন ৷ প্ৰজেশৰ এই কাৰ্যত দীৰ্ঘদিনে হাৰাশাস্তি ভোগ কৰি আহিছিল ৰাইজে ৷ যাৰ বাবে ভুক্তভোগী ৰাইজে মঙলবাৰে উত্তপ্ত পৰিস্থিতিৰ সৃষ্টি কৰে কাৰ্যালয়ত ৷ পৰিস্থিতি নিয়ন্ত্ৰণ কৰিবলৈ কাৰ্যালয়ত মোতায়েন কৰা হয় আৰক্ষী আৰু চি আৰ পি এফ বাহিনী ৷

ইফালে, ৰাইজৰ অভিযোগ অস্বীকাৰ কৰি এম ভি আইগৰাকীৰ নিৰ্দেশতে প্ৰায় 10 বছৰ ধৰি এইদৰে চৰকাৰী কাৰ্যালয় কাম কৰি আহিছে বুলি সাংবাদিকৰ আগত মন্তব্য কৰে প্ৰজেশে ৷