ধুবুৰী, 29 জুনঃ মূল্যবৃদ্ধিৰ বাবে চৰকাৰৰ বিৰুদ্ধে প্ৰতিবাদ কৰি আৰক্ষীৰ হাতত আটক হ'ল জনপ্ৰতিনিধি সহ শতাধিক কংগ্ৰেছ কৰ্মী । দক্ষিণ শালমাৰা মানকাচৰ জিলা কংগ্ৰেছৰ সভাপতি তথা মানকাচৰ বিধানসভা সমষ্টিৰ বিধায়ক ডা৹ মতিউৰ ৰহমানৰ লগতে তেওঁৰ পুত্ৰ মহিবুল ইছলাম মণ্ডল, ফেকামাৰী ব্লক কংগ্ৰেছ কমিটিৰ সভাপতি দুলাল চন্দ্ৰ সাহা সহ প্ৰায় শতাধিক কংগ্ৰেছ কৰ্মীক প্ৰতিবাদস্থলীৰ পৰা আটক কৰে আৰক্ষীয়ে ।
বিগত কিছুদিন ধৰি বৃদ্ধি পাই থকা পেট্ৰ'ল-ডিজেলৰ মূল্য বৃদ্ধিৰ বাবে সোমবাৰে জিলা উপায়ুক্তৰ কাৰ্যালয়ৰ সমূখত গ্ৰহণ কৰিছিল এই প্ৰতিবাদী কাৰ্যসূচী । দক্ষিণ শালমাৰা মানকাচৰ জিলা কংগ্ৰেছে আয়োজন কৰা প্ৰতিবাদী কাৰ্যসূচীত অংশগ্ৰহণ কৰেমানকাচৰ জিলা কংগ্ৰেছৰ সভাপতি তথা মানকাচৰ বিধানসভা সমষ্টিৰ বিধায়ক ডা৹ মতিউৰ ৰহমান মণ্ডলেও ।
প্ৰতিবাদকাৰী সকলে শীঘ্ৰেই পেট্ৰ'ল- ডিজেলৰ মূল্য হ্ৰাস কৰিবলৈ দাবী জনায় ।
