ধুবুৰী, ৫ মে': সমগ্ৰ দেশৰ লগতে অসমতো দ্ৰুত গতিত বৃদ্ধি পাইছে ক'ভিড-১৯ৰ সংক্ৰমণ । সংক্ৰমণ ৰোধৰ বাবে বৰ্তমান সান্ধ্য আইনৰ সময়সূচীও সালসলনি কৰা হৈছে । তথাপিও জিলাই জিলাই বাঢ়িয়েই আছে আক্ৰান্তৰ সংখ্যা । ধুবুৰী জিলাত এতিয়ালৈকে ৬৩৬ জন লোক ক'ভিড-১৯ত আক্ৰান্ত হৈছে ।
জিলাখনত নতুনকৈ ৭১ জন লোক মহামাৰীৰ কবলত পৰিছে । আনহাতে, জিলাখনত বৰ্তমানলৈকে ৬ জন লোকে মহামাৰীৰে যুঁজি প্ৰাণ হেৰুৱাইছে । ধুবুৰীত নতুনকৈ দুজন ৰোগীৰ মৃত্যু হৈছে । ইয়াৰে এজন ধুবুৰীৰ বিদ্যাপাৰাৰ জাকিৰ হুছেইন আৰু আনজন হৈছে সাপটগ্ৰামৰ ফুটকীবাৰীৰ বিশ্ব নাথ ।
ইফালে, জিলাখনত ৯১ গৰাকী লোক সুস্থ হৈ উঠিছে । বৰ্তমান ধুবুৰীত ৫৩৯ গৰাকী সক্ৰিয় ৰোগী আছে ।
