ঈদৰ বিশেষ চিন্তাঃ অৰুণোদয়ৰ উদ্য়োগত বস্ত্ৰ বিতৰণ

দৰিদ্ৰ মুছলমান সম্প্ৰদায়ৰ লোকসকলক ঈদ উদযাপনৰ পৰা বঞ্চিত হ'বলৈ নিদি তেওঁলোকৰ মাজত বস্ত্ৰ বিতৰণ বেচৰকাৰী সংস্থাটোৰ ৷

বিলাসীপাৰা, 2 জুন : সমাগত ঈদ | ইছলাম ধৰ্মাৱলম্বী লোকসকলৰ পবিত্ৰ ঈদৰ প্ৰাকমূহুৰ্তত মুছলমান সম্প্ৰদায়ৰ দৰিদ্ৰ লোকসকলৰ কাষত থিয় দিলে বিলাসীপাৰাৰ স্বেচ্ছাসেৱী সংস্থা অৰুণোদয়ে | ঈদ উদযাপনৰ পৰা বঞ্চিত হ'ব নিদি দৰিদ্ৰ লোকসকলৰ মাজত বিতৰণ কৰিলে বস্ত্ৰ ৷
দেওবাৰে বিলাসীপাৰা মহাবিদ্যালয়ৰ সভাকক্ষত ঈদ উপলক্ষে এই বস্ত্ৰ বিতৰণ কাৰ্যসূচী অনুষ্ঠিত কৰে সংস্থাটোৱে | বস্ত্ৰ বিতৰণী সভাত স্থানীয় অতিথি হিচাপে উপস্থিত থাকে বিলাসীপাৰা মহাবিদ্যালয়ৰ অধ্যাপক কুলেন দাস , বি এম জুনিয়ৰ কলেজৰ সহকাৰী অধ্যক্ষা অপৰ্ণা চক্ৰৱৰ্তী, সমাজ সেৱক দুলাল কলিতা প্ৰমুখ্যে কেইবগৰাকীও বিশিষ্ট ব্যক্তি |