বিলাসীপাৰা,৭মে' : ইছলাম ধৰ্মাৱলম্বী লোকসকলৰ পহিলা ৰমজানৰ দিনাই বিলাসীপাৰাৰ চৰাঞ্চলৰ কাজাইকাটা ৫ম খণ্ড গাঁৱত সংঘটিত হৈছে এক জঘন্য কাণ্ড । গাঁওখনত মঙলবাৰে ভূমি বিবাদক কেন্দ্ৰ কৰি সংঘটিত হয় নৃশংস হত্যাকাণ্ড। ফৈদ এটাৰ আক্ৰমণত থিতাতে নিহত হয় গাঁওখনৰ মজিবৰ ৰহমান নামৰ এজন ব্যক্তি ৷ হত্যাকাণ্ড সংঘটিত কৰি পলায়ন কৰে হত্যাকাৰীৰ দলটো ৷ পিছত ঘটনাস্থলীত স্থানীয় আৰক্ষীৰ দল উপস্থিত হৈ অব্যাহত ৰাখে তদন্ত প্ৰক্ৰিয়া।
পহিলা ৰমজানৰ দিনাই বিলাসীপাৰাত নৃশংস হত্যাকাণ্ড
পৰৱৰ্তী সময়ত সোধ-পোচৰ বাবে আৰক্ষীয়ে বদৰুদ্দিন আলী নামৰ এজন লোকক আটক কৰে। ইফালে মজিবৰ ৰহমানৰ হত্যাকাণ্ডত গাঁও খনৰ ছামাদ আলী ফকিৰ, ৱাহেদ আলী ফকিৰ,হজৰত আলী ফকিৰ আমান আলী ফকিৰ ছাহজাহান আলী ফকিৰ, মজাহাৰ আলী ফকিৰ আব্বাছ আলী ফকিৰ জড়িত থকাৰ অভিযোগ তুলিছে পৰিয়ালৰ লোকে ৷
