বিলাসীপাৰাৰ চাপৰত ভয়ংকৰ পথ দুৰ্ঘটনা, নিহত এজন

AS-19M-1401 নম্বৰৰ বাইকেৰে তিনিজন যুৱকে তীব্ৰ বেগত গৈ থকা অৱস্থাতে নিয়ন্ত্ৰণ হেৰুৱাই দুৰ্ঘটনাত পতিত হয় । উক্ত দুৰ্ঘটনাটোত থিতাতে বাইক চালক জন নিহত হোৱাৰ উপৰিও আন দুয়োজন যুৱক গুৰুতৰ ভাৱে আহত হয় ।

ধুবুৰী, 5 জুনঃ পূৱ বিলাসীপাৰাৰ চাপৰত ভয়ংকৰ পথ দুৰ্ঘটনা । দুৰ্ঘটনাত থিতাতে নিহত এজন আৰু গুৰুতৰভাৱে আহত দুজন লোক ৷

AS-19M-1401 নম্বৰৰ বাইক খনে নিয়ন্ত্ৰণ হেৰুৱাই বিদ্যুৎৰ খুঁটাত খুন্দা মৰাৰ ফলতে সংঘটিত হয় দুৰ্ঘটনাটো ৷ দুৰ্ঘটনাটোত থিতাতে নিহত হয় বাইক চালকজন, লগতে আনদুজনলোক গুৰুতৰভাৱে আহত হয় ৷ নিহত বাইক আৰোহীজনৰ নাম আনোৱাৰ হুছেইন বুলি চিনাক্ত ৷ দুৰ্ঘটনাটোত আহত লোকদুজনৰ নাম আলম উদ্দিন সেখ আৰু অমৰ আলী বুলি জানিব পৰা গৈছে ৷ দুৰ্ঘটনাত পতিত লোককেইজনৰ ঘৰ চাপৰৰ ধীৰেৰ চৰত ৷ ঘটনাস্থলীত স্থানীয় ৰাইজ উপস্থিত হৈ আৰক্ষীক খৱৰ দিয়াৰ লগতে আহত দুজনক উন্নত চিকিৎসাৰ বাবে বঙাইগাঁও লৈ প্ৰেৰণ কৰে ৷

লগতে আন এটা বাতৰি- লখিমপুৰত ভয়ংকৰ পথ দুৰ্ঘটনাঃ নিহত 1