জোনাই, ৫ মে': ক'ভিড-১৯ৰ সংক্ৰমণ ৰোধৰ বাবে গ্ৰহণ কৰা ব্যৱস্থাৰ এক অংশ হিচাপে চৰকাৰে শেহতীয়াকৈ এক নতুন নিৰ্দেশনাৱলী জাৰি কৰিছে । এই নতুন নিৰ্দেশ বুধবাৰৰ পৰা কাৰ্যকৰী হৈছে অসমৰ প্ৰতিখন জিলাতে । নিৰ্দেশনাৰ জৰিয়তে চৰকাৰে দিনৰ ২ বজাৰ লগে লগে ব্যৱসায়িক প্ৰতিষ্ঠানসমূহ বন্ধ কৰিবলৈ কৈছিল । বুধবাৰে ৰাজ্যৰ সকলো জিলাতে এই নিৰ্দেশনা পালন কৰা পৰিলক্ষিত হৈছে ।
ব্যতিক্ৰম নহয় ধেমাজি জিলাও । ধেমাজিৰ জোনাইতো দিনৰ ২ বজাতে বন্ধ হৈ পৰে দোকান-পোহাৰ । চৰকাৰৰ নিৰ্ধাৰিত সময় অনুসৰি চৰকাৰী, বে-চৰকাৰী কাৰ্যালয়সমূহো বন্ধ কৰা হয় । কোনো অপ্ৰীতিকৰ পৰিস্থিতি সৃষ্টি নোহোৱাকৈ এনেদৰে ৰাইজে চৰকাৰী নিৰ্দেশ পালন কৰাৰ বাবে ৰাইজৰ সজাগতাক শলাগ লৈছে জোনাই প্ৰশাসনে ।
উল্লেখ্য যে, বৰ্তমান ৰাজ্য তথা সমগ্ৰ দেশতে মহামাৰীয়ে ভয়াৱহ পৰিস্থিতিৰ সৃষ্টি কৰিছে । গতিকে সাৱধনতা অৱলম্বন কৰি সুৰক্ষিত হৈ থকাতো এতিয়া অতি প্ৰয়োজন হৈ পৰিছে । ইতিমধ্যে মহমাৰীৰ সংক্ৰমণ ৰোধ কৰিবলৈ এটাৰ পিছত আনটো কঠোৰ সিদ্ধান্ত গ্ৰহণ কৰিবলৈ বাধ্য হৈছে চৰকাৰে ।
লগতে পঢ়ক:পশ্চিমবংগৰ নিৰ্বাচনী হিংসাৰ বিৰুদ্ধে বিজেপিৰ অৱস্থান ধৰ্মঘট
