জোনাই,7 অক্টোবৰ : আয়ৰ প্ৰমাণ পত্ৰ(income certificate)ৰ নামত ধেমাজি জিলাৰ জোনাইৰ বিভিন্ন অঞ্চলত চলিছে ব্যাপক কেলেংকাৰী ৷ একাংশ কম্পিউটাৰ দোকানে জালিয়াতিৰে ভুৱা আয়ৰ প্ৰমাণ পত্ৰ উলিয়াই দি ছাত্ৰ-ছাত্ৰীৰ জীৱনক লৈ হেতালি খেলাৰ তথ্য শেহতীয়াকৈ পোহৰলৈ আহিছে ৷ বিভিন্ন মহাবিদ্যালয়ত নামভৰ্তিৰ বাবে প্ৰয়োজন হোৱা তথা জলপানি(schlorship)ৰ আবেদনৰ বাবে প্ৰয়োজন হোৱা আয়ৰ প্ৰমাণ পত্ৰ জালিয়াতিৰে উলিয়াই দিছে একাংশ একাংশ কম্পিউটাৰ দোকানৰ দোকানীয়ে ৷
উল্লেখ্য যে, এই কম্পিউটাৰ দোকান সমূহে আয়ৰ প্ৰমাণ পত্ৰ উলিয়াই দিয়াৰ নামত পুৰণি প্ৰমাণ পত্ৰ স্কেন কৰি তাৰিখ আৰু আন আন কিছু বিষয় সালসলনি কৰি ছাত্ৰ-ছাত্ৰীক প্ৰদান কৰে ৷ কিন্তু ছাত্ৰ ছাত্ৰী সকলে যেতিয়া এই চাৰ্টিফিকেট সমূহ কলেজত জমা কৰিলে তেতিয়াহে ওলাল ওৰহি গছৰ ওৰ ৷ যিহেতু আয়ৰ প্ৰমাণ পত্ৰ সমূহ অনলাইন যোগে উলিয়াব লাগে তাৰে সুবিধা লৈছে একাংশ কম্পিউটাৰ দোকানে ৷ ফলত ভুক্তভোগী হ'বলগীয়া হৈছে ছাত্ৰ ছাত্ৰী সকল ৷
শেহতীয়াকৈ পোহৰলৈ অহা তথ্য মতে, এই কম্পিউটাৰৰ দোকানী সকলে ম্যাদ উকলা পুৰণি চাৰ্টিফিকেট সমূহকে কিছু সালসলনি কৰি নতুনকৈ ছাত্ৰ ছাত্ৰী সকল প্ৰদান কৰে ৷
এনে জালিয়াতিৰ বিৰুদ্ধে কঠোৰ ব্যৱস্থা গ্ৰহণৰ দাবী জনাইছে যুৱ ছাত্ৰ পৰিষদে ৷ মহকুমা প্ৰশাসন আৰু আৰক্ষীক এনে জালিয়াতি চলাই থকা কম্পিউটাৰ দোকান সমূহৰ বিৰুদ্ধে কঠোৰ পদক্ষেপ ল’বলৈ আহ্বান জনাইছে সংগঠনটোৱে ৷
লগতে পঢ়কঃ ৰাজকন্যাক প্ৰেচক্ৰিপশ্যন দি আৰক্ষীৰ চমন লাভ ডাঃ নভনীল বৰুৱাৰ
