হিমন্ত বিশ্বক মুখ্যমন্ত্রী ৰূপে পাই আনন্দিত পূৱ জোনাই মণ্ডল বিজেপি

পূৱ জোনাই মণ্ডল বিজেপিয়ে এক সংবাদমেলযোগে নৱ গঠিত চৰকাৰ আৰু নৱ-নির্বাচিত মুখ্যমন্ত্রী ড৹ হিমন্ত বিশ্ব শৰ্মালৈ শুভেচ্ছা জ্ঞাপন কৰে ৷

জোনাই,11 মে': ড৹ হিমন্ত বিশ্ব শৰ্মাক মুখ্যমন্ত্ৰী ৰূপে পাই আনন্দ মুখৰ হৈ পৰিছে ৰাজ্যৰ ভিন্ন প্ৰান্তৰ বিজেপি কৰ্মীসকল ৷ সোমবাৰে হিমন্ত বিশ্ব শৰ্মাই মুখ্যমন্ত্ৰী ৰূপে শপত গ্ৰহণ কৰাৰ পূৰ্ৱেই পূৱ জোনাই মণ্ডল বিজেপি কৰ্মী সকলে জোনাইৰ বিভিন্ন মঠ-মন্দিৰত চাকি জ্বলাই পূজা অৰ্চনা কৰাৰ লগতে, ৰাজ্যৰ নৱ-নিৰ্বাচিত মুখ্যমন্ত্ৰী গৰাকীক শুভেচ্ছাও প্ৰদান কৰে ৷

জোনাই বজাৰৰ হনুমান মন্দিৰ, লক্ষী নেপালী মন্দিৰ, লাচিত নগৰৰ শিৱমন্দি, জোনাই সাৰ্বজনীন নামঘৰত সম্পূর্ণ ক'ভিড নীতি পালন কৰি নৱ-গঠিত চৰকাখনক শুভেচ্ছা জনোৱাৰ লগতে চৰকাৰখন সুচাৰুৰূপে পৰিচালনা কৰাৰ ক্ষেত্ৰত সহায় কৰিবলৈ ভগৱানৰ ওচৰত আশীষ বিচাৰে জোনাই বিজেপি মণ্ডল কৰ্মী সকলে । সমগ্ৰ দেশৰ লগতে সমগ্ৰ ৰাজ্যবাসীয়ে কৰ’ণা মহামৰী দুৰ্যোগৰ পৰা পৰিত্ৰাণ পাবলৈয়ো নেদেখা জনৰ ওচৰত প্ৰৰ্থনা জনায় ৷

সোমবাৰে শপত গ্ৰহন কৰা মুখ্যমন্ত্ৰী হিমন্ত বিশ্ব শৰ্মাই অসমৰ জলন্ত সমস্যা সমাধান কৰিব বুলি আশা প্ৰকাশ কৰে পূৱ জোনাই বিজেপি কৰ্মী সকলে ৷ আনহাতে, মন্ত্ৰী সভাত স্থান প্ৰাপ্ত সকলো মন্ত্ৰী লৈ শুভেচ্ছা জ্ঞাপন কৰে পূৱ জোনাই মণ্ডল বিজেপিয়ে ৷

লগতে পঢ়ক: বিজেপি বিধায়িনী দলৰ দলপতিৰ ৰাজনৈতিক সচিব জয়ন্ত মল্ল বৰুৱা