ধেমাজি, ১১ মে' : কৰ'ণা আতংকৰ মাজতেই সামান্য পাৰিতোষিকৰ বিনিময়ত নগৰৰ আৱৰ্জনা পৰিস্কাৰ কৰি অহা ধেমাজি পৌৰ সভা অধীনত কাম কৰা চাফাই কৰ্মীসকলৰ মাজত ধেমাজি ষ্টেট বে্ংক শাখাৰ বিষয়া কৰ্মচাৰীসকলে চাউল , আলু , দালি আদি খাদ্য সামগ্ৰীৰ টোপোলা বিতৰণ কৰে । । লক্ ডাউনৰ মাজতেই নিষ্ঠাৰে কৰ্মত নিয়োজিত হৈ থকা এই সকল কৰ্মীক ধেমাজি ষ্টেট বেংক শাখাৰ বিষয়া কৰ্মচাৰী তৰফৰ পৰা সামান্য সকাহ দিয়াৰ উদ্দেশ্যে চাউল, আলু, দালি ইত্যাদি খাদ্য সামগ্ৰীৰ টোপোলা বিতৰণ কৰা হয় ।
সোমবাৰে বেংকৰ ভিতৰতে আনুষ্ঠানিকভাৱে খাদ্য সামগ্ৰী বিতৰণ কৰি চাফাই কৰ্মীসকলক ধন্যবাদ জনাই শাখাৰ প্ৰৱন্ধকগৰাকীয়ে । এই অনুষ্ঠানতেই ধেমাজি প্ৰেছ ক্লাবৰ উপদেষ্টা তথা জেষ্ঠ সংবাদ কৰ্মী দিলীপ কুমাৰ হাজৰিকা উপস্থিত থাকি মানৱীয় দৃষ্টিৰে নগৰখন চাফা কৰি কৰ'ণা মুক্ত কৰি অহা চাফাই কৰ্মীসকলক উৎসাহিত কৰে ।
