ধেমাজি ,২৩ আগষ্ট : ধেমাজিৰ জীয়াঢলৰ বানাক্ৰান্তৰ বাবে "জমিট ফিডিং ইণ্ডিয়া" নামৰ যোৰহাটৰ এটা সংগঠনে দুদিনীয়াকৈ বান সাহায্য বিতৰণ কৰে ৷ জানিব পৰা মতে যোৱা শনিবাৰৰ পৰা দেওবাৰলৈকে সাহায্য প্ৰদান কৰে সংগঠনটোৱে ৷ জীয়াঢলৰ বানত ক্ষতিগ্ৰস্ত হোৱা ২নং ঘেয়াৰী , দুলুংকান, ভজুগাঁও , শালমাৰী , গৰৈমাৰী , ন আলি ভজুগাঁও , আমূলগুৰি , জালভাৰী , হেচুলি , পাভমাৰী ,হাউলী গাঁও আদি ২৪ খন গাঁৱৰ সৰ্বমুঠ 1755 টা পৰিয়ালক খাদ্য সামগ্ৰীৰে পৰিপূৰ্ণ 7.5 কিলোগ্ৰাম ওজনৰ একোটা বানসাহায্য টোপোলা প্ৰদান কৰে সংগঠটোৱে ৷
লক্ষণীয় যে, একমাত্ৰ জমিট ফিডিং ইণ্ডিয়া এনেদৰে দুদিন ধৰি জীয়াঢলৰ বানত আক্ৰান্ত হোৱা আটাইকেইখন গাঁৱৰ বানাক্ৰান্ত পৰিয়ালক সামৰি সাহায্য প্ৰদান কৰা একমাত্ৰ অনুষ্ঠান হিচাপে পৰিগণিত হৈছে ৷
লগতে পঢ়ক : উইকেণ্ড লকডাউন উলংঘা কৰি নগাঁৱত চৰকাৰী আঁচনিৰ হিতাধিকাৰী বাছনি সভা
