জোনাইত গৰাখহনীয়াৰ ভয়াৱহ ৰূপ

চিয়াং আৰু চিমেন নদীৰ গৰাখহনীয়াই জোনাইৰ বিভিন্ন অঞ্চলত সৃষ্টি কৰিছে আতংকৰ ৷ বেৰাচাপৰিৰ ঠাৰি বেংগলীত চিয়াং নদীৰ খহনীয়াই ভয়াৱহ ৰূপ ধাৰণ কৰিছে ৷

জোনাই, 16 জুলাইঃ ৰাজ্যজুৰি বানৰ তাণ্ডৱ অব্যাহত থকাৰ সময়তে জোনাইত খহনীয়াই নিদ্ৰা হৰণ কৰিছে ৰাইজৰ ৷ চিয়াং আৰু চিমেন নদীৰ গৰা-খহনীয়াই জোনাইৰ বিভিন্ন অঞ্চলত সৃষ্টি কৰিছে আতংকৰ ৷ বেৰাচাপৰিৰ ঠাৰি বেংগলীত চিয়াং নদীৰ খহনীয়াই ভয়াৱহ ৰূপ ধাৰণ কৰিছে ৷ খহনীয়াত জাহ গৈছে বহু পৰিয়ালৰ ঘৰ-দুৱাৰ ৷ খহনীয়াত গৃহহাৰা হৈ মথাউৰিতে আশ্ৰয় ল'বলগীয়া হৈছে এইসকল লোকে ৷