ধেমাজিত ভূমিহীন পৰিয়ালক ভূমিপট্টা আৰু আৱন্টন পত্ৰ বিতৰণ

অসম চৰকাৰৰ ৰাজহ আৰু দুৰ্যোগ ব্যৱস্থাপনা বিভাগ তথা ধেমাজি জিলা প্ৰশাসনৰ উদ্যোগত ধেমাজিত ভূমিহীন খিলঞ্জীয়া পৰিয়ালক ভূমি পট্টা আৰু আৱন্টন পত্ৰ বিতৰণ কৰা হয় ৷

ধেমাজি,24 জানুৱাৰী : শনিবাৰে অসম চৰকাৰৰ ৰাজহ আৰু দুৰ্যোগ ব্যৱস্থাপনা বিভাগ তথা ধেমাজি জিলা প্ৰশাসনৰ উদ্যোগত ধেমাজি গ্ৰামোন্নয়ন অভিকৰণ প্ৰেক্ষাগৃহত ভূমিহীন খিলঞ্জীয়া পৰিয়ালক ভূমি পট্টা আৰু আৱন্টন পত্ৰ বিতৰণ কৰা হয় ৷ জিলাখনৰ বিভিন্ন ৰাজহ চক্ৰৰ প্ৰায় 125 টা পৰিয়াললৈ ভূমি পট্টা আৰু আৱন্টন পত্ৰ বিতৰণ কৰা হয় ৷

ধেমাজিত ভূমিহীন পৰিয়ালক ভূমিপট্টা আৰু আৱন্টন পত্ৰ বিতৰণ

খিলঞ্জীয়া লোকসকলৰ মাজত ভূমি পট্টা আৰু আৱন্টন পত্ৰ বিতৰণ অনুষ্ঠানত মুখ্য অতিথি হিচাপে অংশগ্ৰহণ কৰে ধেমাজি জিলা উপায়ুক্ত নৰসিংহ পাৱাৰে ৷ এই অনুষ্ঠানত ধেমাজি ৰাজহ চক্ৰৰ ৮ গৰাকীক ভূমি পট্টা আৰু ২২গৰাকীক ভূমি আৱন্টন পত্ৰ, গোগামুখ ৰাজহ চক্ৰত ১১ গৰাকীক ভূমি পট্টা আৰু ভূমি আৱণ্টন পত্ৰ, চিচিবৰগাঁও ৰাজহ চক্ৰত ৬ গৰাকীক ভূমি পট্টা আৰু ৩৪ গৰাকীক আৱণ্টন পত্ৰ, জোনাই ৰাজহ চক্ৰত ৪০ গৰাকী ভূমিহীন লোকৰ মাজত আৱন্টন পত্ৰ বিতৰণ কৰা হয় ৷

লগতে পঢ়ক: বিশ্বনাথত ভূমিহীন পৰিয়ালক ভূমি পট্টা আৰু আৱন্টন পত্ৰ বিতৰণ