ধেমাজিৰ চিমেন চাপৰিত বন্য ৰেচম কৃষি মেলা

ধেমাজিৰ চিমেন চাপৰিত শুকুৰবাৰে কেন্দ্ৰীয় মুগা এৰী গৱেষণা ও প্ৰশিক্ষণ প্ৰতিষ্ঠানৰ উদ্যোগত, বন্য ৰেচম কৃষি মেলা অনুষ্ঠিত কৰা হয় ৷ অনুষ্ঠানত গ্ৰন্থ উন্মোচনকে ধৰি কেইবাগৰাকীও ব্যক্তিক সম্বৰ্ধনা জনোৱা হয় ৷

ধেমাজি, 7 ফেব্ৰুৱাৰীঃ ভাৰত চৰকাৰৰ বস্ত্ৰ মন্ত্ৰালয়ৰ কেন্দ্ৰীয় চিল্ক ব'ৰ্ডৰ অধীনত কেন্দ্ৰীয় মুগা এৰী গৱেষণা ও প্ৰশিক্ষণ প্ৰতিষ্ঠানৰ উদ্যোগত আজি, ধেমাজি জিলাৰ চিমেন চাপৰিৰ বহুমুখী প্ৰেক্ষাগৃহত বন্য ৰেচম কৃষি মেলা অনুষ্ঠিত কৰা হয় ৷ ধীৰেন্দ্ৰ নাথৰ নেতৃত্বৰ শিল্পী দলে পৰিৱেশন কৰা সৰস্বতী বন্দনাৰে আৰম্ভ হোৱা অনুষ্ঠানত আদৰণি ভাষন আগবঢ়াই কেন্দ্ৰীয় চিল্ক বৰ্ডৰ গৱেষক দ্বীপ গগৈয়ে ৷ এই অনুষ্ঠানত মুখ্য অতিথি হিচাপে ধেমাজি জিলাৰ সহকাৰী উপায়ুক্ত প্ৰীতম কুমাৰ দাস উপস্থিত থকাৰ লগতে, কেন্দ্ৰীয় মূগা এৰী গৱেষণা ও প্ৰশিক্ষণ প্ৰতিষ্ঠানৰ সঞ্চালিকা ড৹ ৰঞ্জনা দাসৰ লগতে কেইবাগৰাকীও বিশিষ্ট ব্যক্তি উপস্থিত থাকে ৷

এই অনুষ্ঠানত এৰী আৰু মুগা পালনৰ বিভিন্ন দিশ, আধুনিক প্ৰযুক্তি, গুৰুত্ব আৰু ইয়াৰ দ্বাৰা কেনেকৈ স্বাৱলম্বী হ'ব পাৰি এই সম্পৰ্কত, ৰেচম শিল্পৰ এক প্ৰণালীবদ্ধ আৰু গৱেষণামূলক আলোচনা কৰা হয় ৷ অনুষ্ঠানত ড৹ দিগন্ত মেচ আৰু ড৹ বিজয় এনয়ে লিখা "থলুৱা আৰু আধুনিক সমন্বিত প্ৰক্ৰিয়াৰে অধিক মুগা সচঁ উৎপাদন" শীৰ্ষক এখন পুস্তিকা উন্মোচন কৰাৰ লগতে, এৰী পালক বিজুলী স্বৰ্গীয়াৰী, মুগা পালক দিগন্ত কোঁৱৰ আৰু উৎকৃষ্ট সূঁতা কটা শিপিনী হিচাপে পৰিস্মৃতা গগৈক মানপত্ৰ আৰু যন্ত্ৰপাতি প্ৰদানেৰে সম্বৰ্ধনা জনোৱা হয় ৷

লগতে পঢ়ক ঃ এজাক মৌ-মাখিৰে সংপৃক্ত মানুহজন