ধেমাজি,১জুলাইঃ ধেমাজি জিলাৰ বান পৰিস্থিতি বুজ লবৰ বাবে বুধবাৰে ধেমাজিত উপস্থিত হয় ৰাজহ আৰু দুৰ্যোগ ব্যৱস্থাপনা বিভাগৰ মন্ত্ৰী যোগেন মহনে। মন্ত্ৰীগৰাকীয়ে বানাক্ৰান্ত অঞ্চল পৰিদৰ্শন কৰি ধেমাজি আৱৰ্ত ভৱনত ধেমাজি জিলা প্ৰশাসনৰ উচ্চ পদস্থ বিষয়া আৰু ধেমাজি সমষ্টি বিধায়কৰ সৈতে আলোচনাত মিলিত হয় । তাৰ পিছতেই সাংবাদিকসকলক সম্বোধি কয় যে জিলাখনক বান সমস্যাৰ পৰা মুক্ত কৰিবৰ বাবে ইতিমধ্যে জিলাখনত চাৰিখন অভিলাষী আঁচনি গ্ৰহণ কৰি যাৱতীয় ব্যৱস্থা গ্ৰহণ কৰিছে।
এচ ডি আৰ এফৰ অধীনত ২০১৯ -২০ ৰূপায়ন হ'বলগীয়া আঁচনি চাৰিখন ক্ৰমে ১৫ নং ৰাষ্ট্ৰীয় ঘাই পথৰ পৰা ১০০০ মি আঁতৰত গাই নদীৰ মথাউৰি অংশৰ বাবদ 275 লাখ,জীয়াঢল গাঁৱৰ বালি ঘাট অঞ্চলৰ বাবে 499.53 লাখ,জীয়াঢল বাওঁপাৰৰ মথাউৰিৰ পৰা ৰেলৱে পথৰ মাজৰ 9-10 কি:মি: অংশ ৰ বাবে 449.98। চেঙাজান ঘাটত সংযোগৰ বাবে 498.50 লাখ বৃহৎ আচঁনিৰ বাবে। ইতিমধ্যে প্ৰশাসনীয় অনুমোদন জনোৱা কথা সদৰী কৰে মন্ত্ৰীগৰাকীয়ে । অৱশ্যে এই ১৮ কোটি টকীয়া আচঁনিৰ জৰিয়তে জিলাবাসীয়ে বানৰ কৰাল গ্ৰাসৰ পৰা কিমান মুক্ত হ'ব পাৰিব সেয়া সময়তহে লক্ষ্যণীয় হ'ব ৷
