ধেমাজিত নদীত মাছ ধৰিবলৈ গৈ দুই কিশোৰৰ সলিল সমাধি

ধেমাজিৰ বঙলামাৰী মিছিং গাঁৱত নদীত মাছ ধৰিবলৈ গৈ দুই কিশোৰৰ সলিল সমাধি ৷ মিচিং গাঁৱৰ সমীপৰ লেচিয়া নৈত মাছ ধৰিবলৈ গৈছিল নিশিল কুম্বাং ( ১৪) আৰু ৰন্জু কুম্বাং (১৫ ) নামৰ দুই কিশোৰ ৷ পৰৱৰ্তী সময়ত নদীত ডুব গৈ মৃত্যু হয় দুই কিশোৰৰ ৷

ধেমাজি, 18 মে’: ধেমাজিৰ বঙলামাৰী মিছিং গাঁৱত মঙলবাৰে সংঘটিত হৈছে এক অঘটন ৷ বঙালমাৰী মিচিং গাঁৱৰ সমীপৰ লেচিয়া নৈত মাছ ধৰিবলৈ গৈ সলিল সমাধি ঘটে দুই কিশোৰৰ ৷ কৰুণ মৃত্যুক আঁকোৱালি লোৱা দুই কিশোৰ ক্ৰমে- নিশিল কুম্বাং ( ১৪) আৰু ৰন্জু কুম্বাং (১৫ ) হিচাপে চিনাক্ত কৰা হৈছে ৷

পৰৱৰ্তী সময়ত স্থানীয় ৰাইজে দুই কিশোৰৰ মৃতদেহ উদ্ধাৰ কৰি আৰক্ষীক খবৰ দিয়ে ৷ ঘটনাৰ খবৰ লাভ কৰিয়েই ঘটনাস্থলীত ধেমাজি সদৰ আৰক্ষী উপস্থিত হৈ মৃতদেহ দুটা মৰণোত্তৰ পৰীক্ষাৰ বাবে প্ৰেৰণ কৰে ৷

লগতে পঢ়ক: কৰ'ণাত প্ৰাণ গ'ল ৰূপহীহাটৰ গাঁওবুঢ়া জীৱন বৰুৱাৰ