জোনাই, 14 জুলাই : জোনাইত সংঘটিত হৈছে এক মৰ্মান্তিক ঘটনা (Tragic incident in Jonai) ৷ জোনাইত গা ধুৱলৈ গৈ সলিল সমাধি ঘটিল এটি শিশুৰ (Children died in water while bathing in Chika River) । উৎকত গৰম সহ্য কৰিব নোৱাৰি চিকা নৈত গা ধুবলৈ গৈ কৰুণ মৃত্যুক সাৱতি লয় শিশুটিয়ে ৷ মৃত শিশুটিৰ নাম মুকেশ পায়েঙ ৷
ঘটনা অনুসৰি, জোনাইৰ সীমান্তৰ কেমি গাঁৱৰ নিবাসী ধনশ্বৰ পায়েঙৰ ৬ বছৰীয়া শিশুপুত্ৰই চিকা নৈত (Chika river at Jonai) বুধবাৰে সন্ধিয়া প্ৰায় 6 মান বজাত সমনীয়াৰ সৈতে গা ধুৱলৈ গৈছিল ৷ তাৰ পিছতে নদীৰ সোঁতত উটি যায় শিশুটি ৷ লগে লগে লগৰবোৰে পৰিয়ালৰ লোকক খবৰ দিয়ে ৷ প্ৰথমে পৰিয়ালে স্থানীয় লোকৰ সৈতে নিজা-ববীয়াকৈ বিচাৰ-খোচাৰ আৰম্ভ কৰিলে যদিও এন্ধাৰ হোৱাত শিশুটিক বিচৰাত অসুবিধা হয় ৷
খবৰ দিয়া হ’ল জোনাই আৰক্ষী আৰু SDRF বাহিনীকো ৷ SDRF বাহিনী আৰু জোনাই আৰক্ষীয়ে ঘটনাস্থলীত উপস্থিত হৈ উদ্ধাৰ অভিযান চলাই সন্ধানহীন হৈ থকা শিশুটি মৃতদেহ উদ্ধাৰ কৰে ৷ সম্প্ৰতি এই হৃদয়বিদাৰক ঘটনাক কেন্দ্ৰ কৰি অঞ্চলব্যাপী শোকৰ ছাঁ বিৰাজ কৰিছে ৷
লগতে পঢ়ক: PM Kisan Samman Nidhi : কেনেকৈ লাভ কৰিব পি এম কৃষক আঁচনিৰ ধন ?
