মঙলদৈত মৃত মহিলাসহ উদ্ধাৰ সদ্যজাত শিশু

আনহাতে নিশাৰ পৰাই মৃত মাতৃৰ কাষত পৰি থকা জীৱন্ত শিশুটিক ম'হে দাহে খোৱাৰ লগতে ভোকত কান্দি কান্দি অৱশ হৈ পৰিছে শিশুটি

মঙলদৈ, 9 মাৰ্চঃ মঙলদৈৰ ৰামহৰিত সংঘটিত হৈছে চাঞ্চল্যকৰ ঘটনা ৷ সোমবাৰে দিনৰ ভাগত ৰামহৰিৰ এখন পথাৰত উদ্ধাৰ হয় এগৰাকী অচিনাক্ত মহিলাৰ মৃতদেহসহ এটি সদ্যজাত শিশু ৷ পথাৰত গৰু চাবলৈ অহা লোকে শিশুৰ কান্দোন শুনি প্ৰত্যক্ষ কৰে মৃতদেহটোৰ লগতে এটা শিশুটিক ৷ নিশাই কোনো লোকে হত্যা কৰি উক্ত স্থানত মৃতদেহটো পেলাই থৈ বুলি সন্দেহ কৰে স্থানীয় লোকে ৷

আনহাতে নিশাৰ পৰাই মৃত মাতৃৰ কাষত পৰি থকা জীৱন্ত শিশুটিক ম'হে দাহে খোৱাৰ লগতে ভোকত কান্দি কান্দি অৱশ হৈ পৰিছে শিশুটি ৷ স্থানীয় ৰাইজৰ তৎপৰতাত আৰক্ষীয়ে শিশুটিৰ লগতে মৃতদেহটো উদ্ধাৰ কৰিছে যদিও বৰ্তমানো কোনো ধৰণৰ পৰিচয় ওলোৱা নাই মহিলাগৰাকীৰ ৷