5 বজাৰ শীৰ্ষ দহটা বাতৰি...

5 বজাৰ শীৰ্ষ দহটা বাতৰি...

শিলচৰ কাণ্ডৰ প্ৰতিক্ৰিয়া আছুৰ মুখ্য উপদেষ্টা ড৹ সমুজ্জ্বল কুমাৰ ভট্টাচাৰ্য্যৰ । অল কায়দাৰ ঘটনা সন্দৰ্ভতো তাৎপৰ্যপূৰ্ণ মন্তব্য সমুজ্জ্বল কুমাৰ ভট্টাচাৰ্য্যৰ ৷

ৰাইজৰ দলৰ সভাপতি অখিল গগৈক পুনৰ তীব্র সমালোচনাৰ লক্ষ্য কৰি লৈছে মন্ত্ৰী পিযুষ হাজৰিকাই। দেওবাৰে সন্ধিয়া তিতাবৰত উপস্থিত হৈ মন্ত্ৰী পিযুষ হাজৰিকাই অখিল গগৈক হতাশগ্ৰস্ত নেতা বুলি অভিহিত কৰে ।

হজৰত মহম্মদ আৰু তেওঁৰ পত্নীক অশালীন মন্তব্য কৰি ৰাজ্যত সাম্প্ৰদায়িক বিষবাষ্প বিয়পাব বিচৰাৰ অভিযোগেৰে উগ্ৰ হিন্দুত্ববাদী নেতা সত্যৰঞ্জন বৰাৰ বিৰুদ্ধে এজাহাৰ গোলাঘাট জিলা আমছুৰ । সামাজিক মাধ্যমত হজৰত মহম্মদক তুচ্ছ-তাচ্ছিল্য কৰি ইছলাম ধৰ্মীয় অনুভূতিত আঘাত হনা সত্যৰঞ্জন বৰাৰ এনে কাৰ্যক তীব্ৰ গৰিহণা গোলাঘাট জিলা আমছুৰ ।

ভাৰতীয় ষ্টেট বেংকৰ এক বিশেষ পদক্ষেপ ৷ মানাহৰ কাষৰীয়া মুছা ল'জত ভাৰতীয় ষ্টেট বেংকৰ উত্তৰ পূৰ্বাঞ্চলৰ চিফ জেনেৰেল চাৰ্ক’ল মেনেজাৰৰ নেতৃত্বত বিশেষভাবে সক্ষম লোকসকলক বিতৰণ কৰা হয় কম্পিউটাৰ । এই অনুষ্ঠানত উপস্থিত থাকে ভাৰতীয় ষ্টেট বেংকৰ কেইবাগৰাকীও বিষয়-ববীয়া ৷

প্ৰতি বছৰে 18 অক্টোবৰৰ দিনটো ‘বিশ্ব মেন’পজ দিৱস’ হিচাপে পালন কৰা হয় ৷ বিশ্ব মেন’পজ দিৱসৰ এই বছৰৰ বিষয়বস্তু হ’ল ‘Bone Health’ ৷

সোমবাৰে সংযুক্ত কিষাণ মৰ্চাৰ দ্বাৰা আহ্বান কৰা 6 ঘন্টীয়া ৰে’ল ৰোকো কাৰ্যসূচীৰ ফলত দেশৰ প্ৰায়সমূহ অঞ্চলতে ৰে’ল চলাচল ব্যাহত হৈ পৰিছে ৷ পঞ্জাৱ আৰু হাৰিয়ানাৰ প্ৰায় সকলোবোৰ ৰে’লপথেই কৃষকসকলে বন্ধ কৰি ৰাখিছে যাৰ বাবে ৰে’লৰ চলাচলত প্ৰভাৱ পৰিছে ৷ কিন্তু ইয়াৰ প্ৰভাৱ পৰা নাই উত্তৰ পূৰ্বাঞ্চলৰ ৰাজ্যসমূহত ৷

দেওবাৰে সন্ধিয়া ৰাজস্থানৰ ছিৰোহীত উপস্থিত হ'ল ত্ৰিপুৰাৰ মুখ্যমন্ত্ৰী বিপ্লৱ কুমাৰ দেৱ । আবুৰোডত আই টি বি পিৰ জোৱানৰ এক কাৰ্যসূচীত অংশ লয় মুখ্যমন্ত্ৰীগৰাকীয়ে । আবুৰোডস্থিত ব্ৰহ্মকুমাৰী প্ৰতিষ্ঠানত উপস্থিত হোৱাৰ পাচতে বিপ্লৱ কুমাৰ দেৱক প্ৰতিষ্ঠানটোৰ বিষয়ববীয়া আৰু প্ৰশাসনিক বিষয়াসকলে আদৰণি জনায় ।

চৰাইদেউ জিলাৰ সোণাৰিত সংঘটিত হৈছে এক নৃশংস হত্যাকাণ্ড ৷ মাত্ৰ ১০ টকা বাবেই হত্যা কৰিলে এগৰাকী বৃদ্ধাক ৷ ইতিমধ্যে হত্যাকাৰীয়ে নিজেই স্বীকাৰ কৰিছে সমগ্ৰ ঘটনা ৷

ড্ৰাগছ, ভাং, অবৈধ অৰুণাচলী সুৰাৰে ভৰি পৰিছে গহপুৰৰ হেলেমৰ বিভিন্ন অঞ্চল । যাৰ পৰিপ্ৰেক্ষিতত অনিশ্চিত ভৱিষ্যতৰ দিশে গতি কৰিছে নৱ প্ৰজন্ম । কুম্ভকৰ্ণ নিদ্ৰাত আবকাৰী বিভাগ ।

11 সংখ্যক মহিলা হকী চেম্পিয়নশ্বিপ অনুষ্ঠিত কৰাৰ বাবে সাজু হৈছে ঝাৰখণ্ড ৷ 20 অক্টোবৰৰ পৰা ঝাৰখণ্ডৰ Simdega ত 11 সংখ্যক মহিলা হকী চেম্পিয়নশ্বিপ আৰম্ভ হ'ব ৷ ঝাৰখণ্ডৰ মুখ্যমন্ত্ৰী হেৰন্ত সুৰেণে এই চেম্পিয়নশ্বিপ উদ্বোধন কৰিব ৷