দৰং, 21 চেপ্তেম্বৰ: উত্তৰ-পূবৰ সৰ্ববৃহৎ পলিয়েষ্টাৰ উদ্যোগ প্ৰাগ বচিমি ছিন্থেটিক্ছ লিমিটেডে শ্ৰমিক সকলক দীৰ্ঘদিন ধৰি বঞ্ছনা কৰি অহাৰ অভিযোগত সোমবাৰে শ্ৰমিক সকলে পথ অৱৰোধ কাৰ্যসূচী ৰূপায়ন কৰে ৷ উদ্যোগটোৰ মুখ্য প্ৰবেশদ্বাৰৰ সন্মুখ তথা ছিপাঝাৰৰ ১৫ নং ৰাষ্ট্ৰীয় ঘাইপথ অৱৰোধ কৰি শ্ৰমিকসকলে বিভাগীয় কৰ্তৃপক্ষৰ বিৰুদ্ধে প্ৰতিবাদ সাব্যস্ত কৰে ৷ ফলত বহ সময়জুৰি যান-বাহন চলাচল ব্যাহত হৈ পৰে ৰাষ্ট্ৰীয় ঘাইপথটোত ৷
প্ৰতিবাদকাৰী সকলৰ অভিযোগ অনুসৰি লক ডাউনৰ দোহাই দি বিগত মাৰ্চ মাহৰ পৰাই তেওঁলোকৰ দৰমহা বন্ধ কৰি ৰখা হৈছে ৷ এই সন্দৰ্ভত একাংশ কৰ্মচাৰী উদ্যোগ মন্ত্ৰী চন্দ্ৰ মোহন পাটোৱাৰীৰ সৈতে এখন বৈঠকত মিলিত হৈছিল যদিও, কোনো ধৰণৰ ফল নোপোৱাৰ অভিযোগ কৰে প্ৰতিবাদকাৰী সকলে ৷ প্ৰতিবাদকাৰী সকলৰ দাবী, শীঘ্ৰেই চৰকাৰে তেওঁলোকৰ বকেয়া ধন তেওঁলোকক আদায় দিয়ক অন্যথ্য তেওঁলোকক গুলীয়াই হত্যা কৰক ৷
লগতে পঢ়ক: কাহিলীপাৰাত সংযোগী শিক্ষাকৰ্মীৰ প্ৰতিবাদ
