দৰং,6 ডিচেম্বৰ : অসম গ্ৰামীণ বিকাশ বেংকৰ উদ্যোগত, নাবাৰ্ড আৰু মঙলদৈৰ এন ই কাৰ্ডৰ সহযোগত শনিবাৰে দৰং জিলাৰ আত্মসহায়ক গোটসমূহক আৰ্থিকভাৱে সৱল কৰাৰ উদ্দেশ্য মঙলদৈ নাট্য মন্দিৰত অনুষ্ঠিত হয় এক ঋণ মেলা ৷
ৰাজ্য চৰকাৰৰ কনকলতা মহিলা সৱলীকৰণ আঁচনিৰ জৰিয়তে মহিলা আত্মসহায়ক গোটসমূহক 50 হাজাৰ টকাৰ ঋণ প্ৰদান কৰে নাবাৰ্ড আৰু এন ই কাৰ্ড নামৰ স্বেচ্ছাসেৱী সংগঠন দুটাই ৷ প্ৰথম পৰ্যায়ত দৰঙৰ 213 টা গোটক ঋণ প্ৰদান কৰা হয় আৰু পৰৱৰ্তী সময়ত 1,900 টা গোটক ঋণ প্ৰদান কৰিব বুলি মন্তব্য কৰে নাবাৰ্ডৰ ডিডিএম অভিশেষ বৰাই ৷
ঋণ প্ৰদান অনুষ্ঠানত উপস্থিত থাকে দৰং জিলা পৰিষদৰ মুখ্য কাৰ্যবাহী বিষয়া ৰমেন চন্দ্ৰ মালাকাৰ, গ্ৰামীণ বিকাশ বেংকৰ আঞ্চলিক প্ৰবন্ধক বিমান গগৈ, এন ই কাৰ্ডৰ জিলা সভাপতি গৌতমানন্দ গোস্বামী প্ৰমুখ্যে নাবাৰ্ডৰ বহু কেইগৰাকী বিষয়ববীয়া ।
লগতে পঢ়ক : মাইবাঙত দুখন চোৰাং গৰু ভৰ্তি ট্ৰাক জব্দ
