দৰং, 4 নৱেম্বৰ : পুনৰ অসমৰ যুৱতীক উদ্ধাৰ বহিঃৰাজ্যত ৷ কৰ্ম সংস্থাপনৰ প্ৰলোভন দি বহিঃৰাজ্যলৈ নি দেহ ব্যৱসায়ৰ লগত জড়িত কৰোৱাৰ অভিযোগ ভুক্তভোগীৰ ৷
তথ্য অনুসৰি, কামৰ প্ৰলোভন দি দৰঙৰ নীলিমা খাতুন নামৰ মহিলা এগৰাকীয়ে শ্যামপুৰ থানাৰ অন্তৰ্গত 4 গৰাকী কিশোৰীক মাহে 10 হাজাৰ টকাৰ প্ৰলোভন দি হাৰিয়ানালৈ লৈ গৈছিল ৷ পৰৱৰ্তী সময়ত মহিলা গৰাকীয়ে 6 দিন ধৰি এটি গোপন কোঠাত কিশোৰী কেই গৰাকীক আবদ্ধ কৰি ৰাখি দেহ ব্যৱসায়ৰ লগত জড়িত কৰোৱাৰ অভিযোগ উত্থাপন হৈছিল ।
পৰৱৰ্তী সময়ত অভিযোগৰ ভিত্তিত দিল্লী আৰক্ষীয়ে গোপন খবৰৰ ভিত্তিত দৰং আৰক্ষীৰ লগত অভিযান চলাই আটাই কেইগৰাকী কিশোৰীক উদ্ধাৰ কৰি মঙলদৈৰ সখী নামৰ এক প্ৰতিষ্ঠানলৈ লৈ আহে । ইতিমধ্যে, আৰক্ষীয়ে মঙলদৈ আদালতত কিশোৰী কেইগৰাকীক হাজিৰ কৰাই তদন্ত অব্যাহত ৰখা বুলি জানিব দিয়ে সখী একক অৱস্থান কেন্দ্ৰৰ প্ৰশাসনিক বিষয়া গৰাকীয়ে ৷
লগতে পঢ়ক : জাৰ্মান কনছুল জেনেৰেলে সাক্ষাৎ কৰিলে কেৰালাৰ মুখ্যমন্ত্ৰীক
