দলগাঁৱত অচিনাক্ত দুৰ্বৃত্তৰ দ্বাৰা সংঘটিত হত্যাকাণ্ড

ডিঙিত গামোচা লগোৱা অৱস্থাত দলগাঁৱত উদ্ধাৰ হয় এগৰাকী ব্যক্তিৰ মৃতদেহ ৷ ধনৰ লালসাত দুৰ্বৃত্তই হত্যা কৰাৰ অভিযোগ উত্থাপন পৰিয়ালৰ । দলগাঁও থানাৰ অন্তৰ্গত গদাইঝাৰ গাঁৱত সংঘটিত হয় এই ঘটনা ৷

দলগাঁও,27 ফেব্ৰুৱাৰীঃ দৰঙৰ দলগাঁৱত বৃহস্পতিবাৰে সংঘটিত হয় এক অঘটন ৷ ডিঙিত গামোচা লগোৱা অৱস্থাত উদ্ধাৰ হয় এগৰাকী ব্যক্তিৰ মৃতদেহ ৷ ধনৰ লালসাত দুৰ্বৃত্তই হত্যা কৰাৰ অভিযোগ উত্থাপন পৰিয়ালৰ । দলগাঁও থানাৰ অন্তৰ্গত গদাইঝাৰ গাঁৱত সংঘটিত হয় এই ঘটনা ৷ মৃত ব্যক্তিগৰাকীৰ নাম আব্দুল মতিন বুলি জানিব পৰা গৈছে ৷

বাসগৃহত কোনো নথকাৰ সুযোগত অচিনাক্ত দুৰ্বৃত্তই ঘৰত প্ৰৱেশ কৰি গামোচা লগাই ডিঙি চেপি ৫৫ বছৰীয়া মতিনক হত্যা কৰে ৷ ইতিমধ্যে ঘটনাস্থলীত দলগাঁও আৰক্ষী উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে মঙলদৈ অসামৰিক চিকিৎসালয়লৈ প্ৰেৰণ কৰিছে ৷ লগতে তদন্ত অব্যাহত ৰাখিছে আৰক্ষীয়ে ৷

লগতে চাওকঃ৫ মাৰ্চৰ পৰা পুনৰ আৰম্ভ হ'ব নাগৰিকত্ব আইন বিৰোধী আন্দোলন