ছিপাঝাৰত ভয়ংকৰ পথ দুৰ্ঘটনা: এজন নিহত

ছিপাঝাৰৰ ১৫ নং ৰাষ্ট্ৰীয় ঘাইপথত সংঘটিত হোৱা পথ দুৰ্ঘটনাত এজন থিতাতে নিহত হোৱাৰ লগতে আহত হয় দুজন ৷ আহত দুজনৰ ভিতৰত এজনৰ অৱস্থা সংকটজনক ৷ লোকজনক প্ৰেৰণ কৰা হয় গুৱাহাটী চিকিৎসা মহাবিদ্যালয়লৈ ৷

দৰং,8মাৰ্চ: দৰঙৰ ছিপাঝাৰৰ ঘোৰাবান্ধাৰ ১৫ নং ৰাষ্ট্ৰীয় ঘাইপথত ভয়ংকৰ পথ দুৰ্ঘটনা ৷ দুৰ্ঘটনাত থিতাতে নিহত এজন আৰু গুৰুতৰভাৱে আহত দুজন ৷ নিহতজন তপেশ্বৰ ডেকা বুলি জানিবলৈ পোৱা গৈছে ৷ আহত দুই বাইক আৰোহীৰ ভিতৰত এজনৰ অৱস্থা সংকটজনক ৷

গুৰুতৰভাৱে আহতজনক প্ৰেৰণ কৰা হয় গুৱাহাটী চিকিৎসা মহাবিদ্যালয়লৈ ৷ প্ৰাপ্ত তথ্য অনুসৰি,পালচাৰ আৰু স্কুটীৰ মাজত মুখামুখি সংঘৰ্ষৰ হোৱাৰ ফলতেই সংঘটিত হয় দুৰ্ঘটনাটো ৷