দলগাঁও,2জুলাই : দৰঙৰ দলগাঁও শিয়ালমাৰীৰ কোনাকাটাপাৰা গাঁৱৰ অংগনবাড়ী কেন্দ্ৰৰ জৰাজীৰ্ণ অৱস্থা ৷ অংগনবাড়ী কেন্দ্ৰটোত উপস্থিত নাথাকে কৰ্মী আৰু সহায়িকা ৷ যাৰ বাবে কণ-কণ ছাত্ৰ-ছাত্ৰীসকল কেন্দ্ৰটোলৈ আহিও উভতি যাবলগীয়া হয় ৷
দৰঙৰ অংগনবাড়ী কেন্দ্ৰৰ জৰাজীৰ্ণ অৱস্থা
ইফালে,কেন্দ্ৰটোত নাই কোনো শিক্ষাৰ পৰিৱেশ ৷ কেন্দ্ৰটোত আছে মাত্ৰ এখন চালি ৷ কণ-কণ শিশুসকলৰ নাই পঞ্জীয়ন বহী ৷ শিশুসকলৰ বাবে অহা খাদ্যও আত্মসাৎ কৰাৰ অভিযোগ স্থানীয় ৰাইজৰ লগতে আমছুৰ ৷ শিশুৰ উন্নয়নৰ প্ৰতি লক্ষ্য ৰাখি কেন্দ্ৰটোৰ বাবে প্ৰয়োজনীয় ব্যৱস্থা গ্ৰহণ কৰাৰ বাবে বিভাগীয় কৰ্তৃপক্ষক দাবী জনায় অভিভাৱক সকলে ৷
