দৰং,8 জুন: দৰঙত এগৰাকী ব্যক্তিৰ দেহত পোৱা গৈছে কৰ’ণা ভাইৰাছৰ উপস্থিতি ৷ মঙলদৈৰ নিজ ডাঁহীৰ এগৰাকী যুৱকৰ দেহত ভাইৰাছবিধৰ উপস্থিতিক কেন্দ্ৰ কৰি হাহাকাৰ পৰিস্থিতিৰ সৃষ্টি হৈছে পশ্চিম মঙলদৈত ৷ উল্লেখ্য যে,বিগত কিছুদিন পূৰ্বে শ্বিলঙৰ পৰা নিজ ডাঁহীলৈ অহা যুৱকজনক ২ জুনত ডাঁহী আদৰ্শ চিকিৎসালয়ত কৰা হৈছিল কোৱাৰেণ্টাইন ৷ কিন্তু ব্যক্তিগৰাকী চিকিৎসালয়লৈ যোৱাৰ পূৰ্বে কেইবাজনো ব্যক্তিৰ সংস্পৰ্শলৈ আহে ৷ প্ৰকৃততে চিকিৎসালয়খনৰ এগৰাকী কৰ্মচাৰী আক্ৰান্ত ব্যক্তিগৰাকীৰ ঘনিষ্ঠ হোৱা হেতুকে অধিক সংক্ৰমণৰ আশংকা ব্যক্ত কৰা হৈছে ।
ইপিনে,চিকিৎসালয়খনৰ কৰ্মচাৰীগৰাকীৰ পত্নী বিজেপি দলৰ ডাঁহী গাওঁ পঞ্চায়তৰ সদস্যা হোৱা হেতুকে 4 জুনত বৰসত্ৰ আদৰ্শ গাঁৱত আঠটাকৈ আধাৰশিলা স্থাপনৰ কাৰ্যসূচীত ভাগ লৈছিল ৷ সেইসূত্ৰে মহিলাগৰাকী মঙলদৈৰ বিধায়ক তথা সাংসদৰ সংস্পৰ্শলৈ আহে ৷ দেওবাৰে নিশা আক্ৰান্ত ব্যক্তি গৰাকীৰ খবৰ বিয়পি পৰা মাত্ৰকে অঞ্চলটোত সৃষ্টি হৈছে হাহাকাৰ পৰিস্থিতি ৷ মহিলাগৰাকীৰ স্বামীয়ে ইয়াৰ পিছতো বিনাদ্বিধাই ফুৰাচকা কৰাৰ প্ৰতি লক্ষ্য ৰাখি Covid-19 ৰ গণ সংক্ৰমণৰ আশংকা কৰা হৈছে ৷
লগতে চাওকঃ প্ৰৱেশদ্বাৰ মুকলি দৌল গোবিন্দ মন্দিৰৰ
