দৰং,3 মাৰ্চ: মিত্ৰদল বিজেপি আৰু অসম গণ পৰিষদ দলৰ টিকটক লৈ আলোচনা চলি থকাৰ সময়তেই ছিপাঝাৰ সমষ্টিত টিকটক লৈ সৃষ্টি হৈছে টনা-আজোৰা ৷ বিজেপিৰ দখলত থকা ছিপাঝাৰ সমষ্টিত প্ৰাৰ্থিত্বৰ দাবী কৰিছে অগপই ৷
15 বছৰে অসম গণ পৰিষদ দলৰ দুৰ্গ হিচাপে পৰিচিত দৰঙৰ ছিপাঝাৰ সমষ্টিত 2016 ৰ বিধানসভা নিৰ্বাচনত বিজেপি বিধায়ক বিনন্দ কুমাৰ শইকীয়াৰ দখললৈ আহে ৷ কিন্তু এইবেলি পুনৰ শইকীয়াৰ বিৰুদ্ধে থিয় দিছে মিত্ৰদল অসম গণ পৰিষদ ৷ মঙলবাৰে সমষ্টিটোৰ বৰদৌলগুৰি সাহিত্য সভাৰ সভাগৃহত দৰঙৰ অসম গণ পৰিষদে সংবাদমেল সম্বোধন কৰি কেন্দ্ৰীয় সমিতিক ছিপাঝাৰ সমষ্টিত দলটোৰ প্ৰাৰ্থীক টিকট দিবলৈ দাবী জনায় ৷
লগতে পঢ়ক-বিজেপি-অগপৰ আসন বুজাবুজি ৯৫ শতাংশ সম্পূৰ্ণ : হিমন্ত বিশ্ব
