চিৰাং,29 মাৰ্চ: হোলীৰ আনন্দৰ মাজতে চিৰাঙৰ বাসুগাঁৱত সংঘটিত হয় এক ভয়াৱহ পথ দুৰ্ঘটনা ৷ চিৰাঙৰ বাসুগাঁৱৰ গোগলাপাৰাত দ্ৰুতবেগী বাইক-স্কুটীৰ সংঘৰ্ষত দুজন লোক থিতাতে নিহত হোৱাৰ লগতে দুজন লোক গুৰুতৰভাৱে আহত হয় । সংকটজন অৱস্থাত আহত দুয়োজনকে বঙাইগাঁও চিকিৎসালৈ প্ৰেৰণ কৰে ৷
উল্লেখ্য যে, AS-26-C-8636 নম্বৰৰ পালছাৰ আৰু AS-19-L -1504 নম্বৰৰ স্কুটীৰ মুখামুখি সংঘৰ্ষত মৃত্যুঞ্জিত ৰায় বৰ্মন আৰু মোহন বৰ্মন নামৰ লোক দুজনৰ মৃতদেহ দুটা বাসুগাঁও থানাৰ আৰক্ষী উপস্থিত হৈ মৰনোত্তৰ পৰীক্ষাৰ বাবে জিলা সদৰ জে এচ বি অসামৰিক চিকিৎসালয়লৈ প্ৰেৰণ কৰে ৷ হোলীৰ আনন্দৰ মাজতে এই ভয়াবহ পথ দুৰ্ঘটনাত দুজন নিহত হোৱাত সমগ্ৰ বাসুগাঁও অঞ্চলত শোকৰ ছাঁ পৰিছে ।
লগতে পঢ়ক: তিতাবৰত ভয়ংকৰ পথ দুৰ্ঘটনা, নিহত এজন
