বিজনী,30 মাৰ্চ: ৰাজ্যত অসম বিধানসভা নিৰ্বাচনৰ দ্বিতীয় আৰু তৃতীয় পৰ্যায়ত অনুষ্ঠিত হ'বলগীয়া নিৰ্বাচনৰ বাবে বিটিআৰৰ জিলাসমূহত ক্ৰমাৎ বৃদ্ধি পাইছে নিৰ্বাচনী প্ৰচাৰ অভিযান ।
চিৰাঙৰ ৩৩ নং বিজনী বিধানসভা সমষ্টিত অসম জাতীয় পৰিষদৰ প্ৰাৰ্থী ৰূপম কুমাৰ দাসে সমষ্টিটোত অব্যাহত ৰাখিছে প্ৰচাৰ অভিযান ৷ ঘৰে-ঘৰে, গাঁৱে-গাঁৱে, বিজনী চহৰত নিৰ্বাচনী প্ৰচাৰ অভিযান তীব্ৰতৰ কৰি তোলাৰ সময়তে সোমবাৰে অসম জাতীয় পৰিষদৰ নেত্ৰী তথা অভিনেত্ৰী জেৰিফা ৱাহিদে সমষ্টিটোত কেইবাখনো নিৰ্বাচনী সভাত অংশ লয় ৷
অভিনেত্ৰী গৰাকীয়ে বিজনী বিধানসভা সমষ্টিৰ পুৰাণ বিজনী, আলুখুন্দা, বাগৰগাঁও, ভূমকিপাৰা, হাতীমাৰা, ভাওৰাগুৰি, দতুৰি আদি গাঁৱত প্ৰাৰ্থী ৰূপম দাসৰ সৈতে প্ৰচাৰ অভিযান চলায় ৷ অভিনেত্ৰী গৰাকীয়ে খিলঞ্জীয়াৰ সুৰক্ষা, সকলো জাতি-জনগোষ্ঠীৰ মাজত সমন্বয় গঢ়ি তোলাৰ লক্ষ্যৰে আগুৱাই আহি অসম জাতীয় পৰিষদৰ প্ৰাৰ্থীগৰাকীক জয়ী কৰিবলৈ আহ্বান জনায় ৷
লগতে পঢ়কঃ বৰপেটাত মইনবৰীত বিধ্বংসী অগ্নিকাণ্ড
