চিৰাং, ২৮ নৱেম্বৰ : মানৱীয় প্ৰমূল্যবোধৰ অৱক্ষয়ৰ অভিযোগ উত্থাপিত হৈ অহাৰ সময়তেই মানৱ ধৰ্ময়ে যে শ্ৰেষ্ঠ ধৰ্ম তাৰ এক অনন্য নিদৰ্শন (Allegations of degradation of human values) । বৰ্তমান ধৰ্মক লৈ যিধৰণৰ ৰাজনৈতিক বিষবাষ্পই সমাজখনক পংগু কৰাৰ উপক্ৰম ঘটাইছে তেনে সময়ত এই নিদৰ্শন নিশ্চিতভাৱে উল্লেখযোগ্য । যিসময়ত সমগ্ৰ দেশতে ক্ষমতা লাভৰ স্বাৰ্থত ধৰ্মক ৰাজনীতিৰ অস্ত্ৰ হিচাপে ব্যৱহাৰ কৰি আহিছে, তেনে সময়ত চিৰাং জিলাৰ বিজনীৰ আন্ধাৰগাঁৱত সম্প্ৰীতিৰ এক সুন্দৰ নিদৰ্শন দেখিবলৈ পোৱা গৈছে (example of communal harmony in Chirang) ।
এই নিদৰ্শন দাঙি ধৰিছে মুছলিম সংগঠন জমিয়ত উলেমাই । আন্ধাৰগাঁও নিবাসী বিনাথী বসুমতাৰী নামৰ এগৰাকী দুখীয়া বিধৱাৰ দুৰ্যোগৰ সময়ত সহায়ৰ হাত আগবঢ়াবলৈ আগবাঢ়ি আহিছে চিৰাং জিলা জমিয়ত উলেমা (Jamiat Ulema help Hindu poor widow in Bijni) । কেইদিনমান পূৰ্বে মহিলাগৰাকীৰ তিনি বিঘা মাটিৰ চপাই থোৱা ধান কোনো দুষ্কৃতিকাৰীয়ে অগ্নিসংযোগ কৰি জ্বলাই দিয়াত আজি জমিয়ত উলেমাই আঠ মোন ধান সাহায্য হিচাপে আগবঢ়ায় বিধৱাগৰাকীক ।
জমিয়ত উলেমাৰ চিৰাং জিলাৰ সভাপতি হাজী শুকুৰ আলীৰ নেতৃত্বত জমিয়তৰ এটা সজাতী দলে মহিলাগৰাকীক আঠ মোন ধান প্ৰদান কৰে (example of Human religion) । লগতে দুষ্কৃতিকাৰীক গ্ৰেপ্তাৰ কৰি উচিত শাস্তি প্ৰদান কৰিবলৈও দাবী জনায় । আনহাতে, ৰাইজকো মহিলাগৰাকীক সহায়ৰ হাত আগবঢ়াবলৈ আহ্বান জনায় ।
