চিৰাং , 19 এপ্ৰিল: চিৰাং জিলাত প্ৰাৰ্থী শব্দ ৰাম ৰাভাৰ নিৰ্বাচনী প্ৰচাৰ ৷ভাষণত বিজেপি মিত্ৰজোঁটক সমালোচনা কৰে দুয়োজন নেতাই । বিপিএফৰ পৰা জনসাধাৰণে মুক্তি বিছাৰিছে সেয়েহে কংগ্ৰেছৰ জয় নিশ্চিত বুলি মন্তব্য কৰে কংগ্ৰেছৰ ৰাজ্যিক সভাপতি ৰিপুন বৰাই ৷
শুকুৰবাৰে চিৰাং জিলাৰ বিজনী বিধান সভা সমষ্টিৰ আলুখুন্দা মিলন জ্যোতি হাইস্কুল খেল পথাৰত কংগ্ৰেছৰ প্ৰাৰ্থী শব্দ ৰাম ৰাভাৰ নিৰ্বাচনী প্ৰচাৰ সভা অনুষ্ঠিত হয় । ৰাতিপুৱা 11.30 বজাত হেলিকপ্টাৰ যোগে আলুখুন্দা মিলনজ্যোতি হাইস্কুল খেলপথাৰত উপস্থিত হৈ নিৰ্বাচনী প্ৰচাৰ চলায় প্ৰদেশ কংগ্ৰেছ সভাপতি ৰিপুন বৰা আৰু প্ৰাক্তন মন্ত্ৰী ছিদ্দিক আহমেদে । এ আই ইউ ডি এফ দলে ইউ পি পি এলক সমৰ্থন কৰাটো দুখজনক বুলি মন্তব্য কৰে ৰিপুন বৰাই ৷
চিৰাং জিলাৰ কংগ্ৰেছ সভাপতি বিশ্বজিৎ ৰায়ৰ সভাপতিত্বত অনুষ্ঠিত নিৰ্বাচনী সভাত কোকৰাঝাৰ লোকসভা সমষ্টিৰ কংগ্ৰেছ প্ৰাৰ্থী শব্দ ৰাম ৰাভাৰ হৈ প্ৰচাৰ সভাত ভাষণ দিয়ে প্ৰদেশ কংগ্ৰেছ সভাপতি ৰিপুণ বৰা, প্ৰাক্তন মন্ত্ৰী ছিদ্দিক আহমেদে। ভাষণত বিজেপি মিত্ৰজোঁটক সমালোচনা কৰে দুয়োজন নেতাই ।
