বঙাইগাৱঁৰ পঞ্চপুৰত সুগৰী পহু উদ্ধাৰ

পাহাৰৰ পৰা খাদ্যৰ সন্ধানত নামি অহা সুগৰী পহু উদ্ধাৰ ৷ বঙাইগাঁৱত ৰাইজে পহু উদ্ধাৰ কৰি গতাই দিলে বন বিভাগক ৷

বঙাইগাঁও,4 জুলাই : বঙাইগাঁও জিলাৰ পঞ্চপুৰ বজাৰৰ ওচৰত মংগলবাৰে এটা সুগৰী পহু উদ্ধাৰ কৰে স্থানীয় ৰাইজে ৷ ওচৰৰে ভূমেশ্বৰ পাহাৰৰ পৰা খাদ্যৰ সন্ধানত নামি অহা পহুটো স্থানীয় ৰাইজে উদ্ধাৰ কৰি বঙাইগাঁও আই ভেলী বন বিষয়াৰ কাৰ্যালয়ত খবৰ দিয়ে ৷ পাচত বন বিভাগৰ তৎপৰতাত পহুটো উদ্ধৰ কৰি পুনৰ পাহাৰৰ জংঘলত এৰি দিয়ে ৷

বঙাইগাৱঁৰ পঞ্চপুৰত সুগৰী পহু উদ্ধাৰ

স্থানীয় লোকে প্ৰকাশ কৰা মতে উক্ত ভূমেশ্বৰ পাহাৰত সুগৰী পহুৰ লগতে বিভিন্ন জীৱ-জন্তুৰ বিচৰণ আৰু বাস কৰে ৷ পাহাৰত বগা বৰণৰ হৰিণ থকা বুলিও প্ৰকাশ কৰে একাংশই ৷

পাহাৰৰ পৰা খাদ্যৰ সন্ধানত নামি অহা সুগৰী পহু উদ্ধাৰ

সময়ে সময়ে গাঁৱলৈ খাদ্যৰ সন্ধানত নামি আহে যদিও একাংশ দুষ্ট চক্ৰই হত্যা কৰা বুলি ৰাইজে অভিযোগ কৰে ৷ এই ক্ষেত্ৰত বন বিভাগক অধিক সচেতন হোৱাৰ বাবে আহ্বান জনোৱাৰ লগতে সময়ে-সময়ে এই সক্ৰান্তত ৰাইজৰ মাজত সজাগতা সভা কৰিবলৈ অনুৰোধ জনায় ৷ অন্যথা চোৰাং চিকাৰীৰ হাতত নিচিন্ন হ’ব বগা হৰিণৰ লগতে অনান্য জীৱ-জন্তু ৷লগতে পঢ়ক : লুইতৰ বুকুত সমূহীয়া আত্মজাহৰ হুংকাৰ দক্ষিণ শালমাৰাবাসীৰ