চিৰাং, 10 ডিচেম্বৰ : বুলেটৰ পৰা বেলটলৈ চিৰাঙৰ প্ৰাক্তন এন ডি এফ বি নেতা বি আৰ ফেৰেংগা ৷ চিৰাং জিলাৰ 14 নং চিৰাং দুৱাৰ পৰিষদীয় সমষ্টিৰ পৰা ইউ পি পি এল দলৰ হৈ প্ৰাৰ্থীত্ব আগবঢ়াইছে নেতা গৰাকীয়ে ৷
উল্লেখ্য যে, 2013 চনত এন ডি এফ বিত যোগদান কৰি চলিত বৰ্ষৰ 27 জানুৱাৰীৰ আগলৈ এন ডি এফ বি (ছা) ৰ সাধাৰণ সম্পাদক হিচাবে কাৰ্যনিৰ্বাহ কৰিছিল বি আৰ ফেৰেংগাই । কিন্তু বিটিআৰ শান্তি চুক্তিৰ জৰিয়তে মুকলি আকাশৰ তললৈ অহা নেতা গৰাকীয়ে ৰঞ্জিত বসুমতাৰীৰ নাম লৈ 14 নং চিৰাং দুৱাৰ পৰিষদীয় সমষ্টিৰ পৰা প্ৰাৰ্থীত্ব আগবঢ়াইছে ৷ এন ডি এফ বিথ যোগদান কৰাৰ পূৰ্বে নেতা গৰাকীয়ে জিলাখনৰ বেঙতল কলেজৰ ইতিহাস বিভাগৰ মুৰব্বী অধ্যাপক হিচাপেও কাৰ্যনিৰ্বাহ কৰিছিল ৷
উল্লেখ্য যে, এন ডি এফ বিৰ সভাপতি বি ছাউৰাইগ্ৰা (চাইকং বসুমতাৰী) য়েও বি পি এফ দলৰ প্ৰাৰ্থী হিচাপে প্ৰতিদন্দিতা আগবঢ়াইছে 13 নং চিৰাং পৰিষদীয় সমষ্টিৰ পৰা ।
লগতে পঢ়ক : জইছ-ই-মহম্মদৰ সন্ত্ৰাসবাদীক গ্ৰেপ্তাৰ
