চিৰাং , 5 ফেব্ৰুৱাৰীঃ বঙাইগাঁও জিলাৰ কুৰ্সামাৰীত বন বিভাগৰ অভিযানত জব্দ হ'ল লক্ষাধিক টকাৰ মূল্যৰ চোৰাং কাঠসহ কাঠফলা কল । বুধবাৰে বনবিভাগ আৰু পাণবাৰী এচ এচ বিৰ ৫৪ বেটলিয়ানৰ যৌথ অভিযানত চিৰাং জিলাৰ কুকলুং বন উপ সংমণ্ডলৰ অন্তৰ্গত বঙাইগাঁও জিলাৰ কুৰ্সামাৰী পৰা জব্দ কৰা হয় চোৰাং কাঠখিনি । জব্দকৃত চোৰাং কাঠৰ কুণ্ডাখিনিৰ মূল্য দুই লক্ষাধিক টকা হ'ব বুলি প্ৰকাশ কৰিছে বন বিভাগে ।
উল্লেখযোগ্য যে, বনবিভাগৰ তথ্য অনুসৰি দীৰ্ঘ দিনৰ পৰা অবৈধভাৱে কাঠফলা মিলটো চলাই আছিল চোৰাং কাঠ মাফিয়াই । বনবিভাগৰ অভিযানৰ উমান পাই আগতীয়াকৈ পলায়ন কৰে কাঠমিলৰ মালিক আৰু কাঠবেপাৰীয়ে । এই বিষয়ে তদন্ত অব্যাহত ৰাখিছে বন বিভাগে । লক্ষ্যণীয় যে, চিৰাং জিলাৰ বিভিন্ন প্ৰান্তত এই দৰেই চোৰাং কাঠ ফলা বহু সংখ্যক মিল চলাই থকা বুলি জানিব পৰা গৈছে ।
লগতে পঢ়কঃতৃতীয় লিংগ আইন ২০১৯ৰ বিৰুদ্ধে আইনী যুঁজত অধিবক্তা বিধান বৰুৱা
