চিৰাং, 20 ফেব্ৰুৱাৰীঃ চিৰাঙৰ বিজনীত ড্ৰাগছ ব্যৱসায়ী আটক । বিজনী শিতলা মন্দিৰৰ কাষত আৰক্ষীয়ে আটক কৰে ড্ৰাগছ ব্যৱসায়ী জনক । ড্ৰাগছ ব্যৱসায়ী জন বিজনীৰ ৩নং ওৱাৰ্ডৰ সুৱল সৰকাৰৰ পুত্ৰ কালু সৰকাৰ । যুৱক জনৰ পৰা উদ্ধাৰ হয় ৩টা ড্ৰাগছ ভৰ্তি কন্টেইনাৰ,১টা মোবাইল ফোন, ২,১৬১ টকা, এখন কেচি ।
উল্লেখ্য যে, বিজনী মহকুমা আৰক্ষী বিষয়া প্ৰকাশ মেধিৰ আৰু বিজনী থানাৰ ভাৰপ্ৰাপ্ত বিষয়া ৰূপক বৰাৰ নেতৃত্বত চলোৱা গোপন অভিযানকালত ড্ৰাগছ ব্যৱসায়ী জনক আটক কৰিবলৈ সক্ষম হয় । ইয়াৰ পূৰ্বতেও আটকাধীন ড্ৰাগছ ব্যৱসায়ী কালুৰ বিৰুদ্ধে বহুতো গোচৰ দাখিল আছে বিজনী থানাত । পূৰ্বে কমপক্ষে ৫ বাৰ ৰঙা ঘৰৰ আলহি হৈছিল এই জন কালু সৰকাৰ ।
বিগত কিছু দিনৰ পৰা চিৰাং জিলাৰ বিজনীত ড্ৰাগছৰ ব্যৱসায় বৃদ্ধিৰ লগে লগে ড্ৰাগছ আসক্ত লোকৰ সংখ্যাও বৃদ্ধি পোৱা পৰিলক্ষিত হৈছে । সেয়ে আৰক্ষীয়ে চলোৱা ধাৰাবাহিক অভিযানত এতিয়ালৈ বহু সংখ্যক ড্ৰাগছ ব্যৱসায়িক আটক কৰি জেল হাজোতলৈ প্ৰেৰণ কৰে ।
আৰু পঢ়কঃ কটকটীয়া নিৰাপত্তাৰ মাজত গুৱাহাটীলৈ অনা হ'ল ছাৰ্জিল ইমামক
