চিৰাঙ, ১ জুলাই : চিৰাঙ জিলাৰ বিজনীত আৰক্ষীয়ে গোপন অভিযান চলায় এজন ড্ৰাগছ ব্যৱসায়ীক আটক কৰিবলৈ সক্ষম হৈছে । আটক কৰা ড্ৰাগছ ব্যৱসায়ী জনৰ নাম সহিদ আলি বুলি জানিব পৰা গৈছে ।
বিজনীৰ শীতলা মন্দিৰৰ নিকটৱৰ্তী ৰাতিৰাম ৰোডত এক গোপন তথ্যৰ ভিত্তিত বিজনী মহকুমা আৰক্ষী বিষয়া প্ৰকাশ মেধি আৰু বিজনী থানাৰ ভাৰপ্ৰাপ্ত বিষয়া ৰূপক বৰাই অভিযান চলাই হাতে-লোতে ড্ৰাগছ সহ আটক কৰে যুৱক জনক ।
আৰক্ষীয়ে যুৱক জনৰ পৰা এটা ড্ৰাগছ ভৰ্তি চাধাৰ টেমা আৰু এটা ড্ৰাগছ ভৰ্তি কন্টেইনাৰ উদ্ধাৰ কৰিবলৈ সক্ষম হয় ।
উল্লেখযোগ্য যে, শেহতীয়াকৈ চিৰাং জিলাৰ বিজনীত আৰক্ষীয়ে এজনৰ পিচত এজনকৈ ড্ৰাগছ ব্যৱসায়ী গ্ৰেপ্তাৰ কৰি থকাৰ পিচতো মূল ড্ৰাগছ ব্যৱসায়ী জনক গ্ৰেপ্তাৰ কৰিবলৈ সক্ষম হোৱা নাই । এই ড্ৰাগছৰ ব্যৱসায়ৰ আঁৰত কোন জড়িত হৈ আছে সেয়া ৰহস্যজনক হৈ আছে ।
