চিৰাঙ,20 মাৰ্চঃ বিধানসভা নিৰ্বাচনৰ প্ৰাকক্ষণত ইউপিপিএল দলত মোক্ষম আঘাত । দলটোৰ সংখ্যালঘু কোষৰ কেন্দ্ৰীয় সভাপতি হানিফ আলীৰ বিপিএফত যোগদান । শনিবাৰে কাজলগাঁৱত আয়োজিত এক যোগদান সভাত মন্ত্ৰী চন্দন ব্ৰহ্মৰ ওচৰত বিপিএফত যোগদান কৰে । বিজেপিৰে ইউপিপিএল দলৰ মিত্ৰতাৰ বিৰোধিতাৰে এই সিদ্ধান্ত গ্ৰহণ কৰে নেতাজনে । তেওঁ কয় যে, যি বিজেপিয়ে দম্ভালি মাৰি সভাই সমিতিয়ে কয় যে, সংখ্যালঘুৰ ভোট নালাগে বুলি সেই বিজেপি দলক কিদৰে ভোটদান কৰিব বুলি কয় হানিফ আলীয়ে । সেয়ে তেখেতে বিপিএফত যোগদান কৰি মহাজোঁটৰ হৈ কাম কৰি যোৱাৰ কথা কয় ।
এই যোগদান অনুষ্ঠানত ইউপিপিএল দলৰ চিদলী সমষ্টিৰ অন্তৰ্গত কোকৰাঝাৰ জিলাৰ ছালাকাটি পৰিষদীয় সমষ্টিৰ ডেৰ শতাধিক ইউপিপিএল দলৰ শাখা সমিতিৰ নেতা কৰ্মীয়ে বিপিএফত যোগদান কৰে । এই যোগদানৰ পিচতে মন্ত্ৰী চন্দন ব্ৰহ্মই কয় যে চিদলী সমষ্টিৰ সৰ্বত্ৰে বিপিএফ দললৈ যোগদানৰ জোৱাৰ উঠিছে । ৬ এপ্ৰিলত তৃতীয় পৰ্যায়ৰ বিধানসভা নিৰ্বাচনত চিদলী সমষ্টি নিৰ্বাচন অনুষ্ঠিত হ’ব । তেতিয়া বুজিব পৰা যাব কোনে শেষ হাঁহি মাৰিবলৈ সক্ষম হ’ব ।
লগতে পঢ়কঃ অমিয় কুমাৰ ভূঞাৰ হৈ মন্ত্ৰী হিমন্তৰ নিৰ্বাচনী প্ৰচাৰ
