চিৰাং, 4 ফেব্ৰুৱাৰীঃ চিৰাঙৰ বিজনী বিষ্ণুপুৰত অঘটন ৷ ট্ৰেক্টৰ বাগৰি শ্ৰমিকৰ মৃত্যু ৷ মৃত শ্ৰমিক জনৰ নাম প্ৰফুল্ল সিংহ(25)। দুৰ্ঘটনাত পতিত হোৱা ট্ৰেক্টৰ খনৰ নম্বৰ AS-19C-7895 ৷
ট্ৰেক্টৰ দুৰ্ঘটনাগ্ৰস্ত হৈ শ্ৰমিকৰ মৃত্যু
প্ৰাপ্ত তথ্য অনুসৰি জিলাখনৰ বিজনী থানাৰ অন্তৰ্গত বিষ্ণুপুৰত মাটী কঢ়িওৱা খালী ট্ৰেক্টৰ খনে দ্ৰুত গতিত গৈ থকা অৱস্থাত ভঙা পথৰ বাবেই বাগৰি পথৰ দাতিৰ খাৱৈত পৰি যায় । তাৰ ফলত ট্ৰেক্টৰৰ ট্ৰলিত বহি থকা শ্ৰমিক প্ৰফুল্ল সিংহ থিতাতে নিহত হোৱাৰ লগতে চালক সহ আন দুজন শ্ৰমিকো আহত হয় । আহত সকলক চিকিৎসাৰ বাবে বিজনীৰ অসামৰিক চিকিৎসালয়ত ভৰ্তি কৰোৱা হৈছে । সম্প্ৰতি আৰক্ষীয়ে মৃতদেহ উদ্ধাৰ কৰি মৰনোত্তৰ পৰীক্ষাৰ ব্যৱস্থা কৰিছে ।
লগতে পঢ়কঃ গোৱালাপাৰৰ ৰংজুলিত শোকাৱহ বাছ দুৰ্ঘটনাঃ এইপৰ্যন্ত নিহত 6 জন
