চিৰাং, 12 এপ্ৰিল: নঙলামুখ পালেহি হেঁপাৰ ৰঙালী ৷ বাপতি সাহোন বিহুটিলৈ মাজত মাথো কেইটামান দিন বাকী ৷ প্ৰতিগৰাকী অসমীয়াই ৰঙালীক আদৰাৰ বাবে চলাইছে ব্যাপক প্ৰস্তুতি ৷ অসমৰ প্ৰতিটো জাতি-জনগোষ্ঠীয়ে নিজ নিজ পৰম্পৰা অনুসৰি পালন কৰি আহিছে অসমীয়াৰ স্বাভিমান হেঁপাহৰ বিহুটি ৷ বিভিন্ন ঠাইৰ বিভিন্ন গোষ্ঠীয়ে ভিন্ন নামেৰে নামাকৰণ কৰা এই বিহুটিক নামনিৰ ৰাজবংশী সকলে বিষুৱা আৰু বড়ো সকলে ৰংজালী বৈশাগু বুলি উদযাপন কৰে ৷
আন আন ঠাইৰ দৰে বিহুটিক আদৰাৰ বাবে চিৰাং জিলা সদৰ কাজলগাঁও স্থিত কাজলগাঁও আঞ্চলিক এবছুৰ কাৰ্যালয়তো ৰঙালীক আদৰাৰ বাবে চলাইছে ব্যাপক প্ৰস্তুতি ৷ ছিফুং,সেৰজা,খাম আৰু জোথাৰ সুৰত নাচিছে বড়ো ছিখলা(গাভৰু) আৰু ছেংৰা(ডেকা) সকলে ৷ বিগত বছৰত মহামাৰীৰ বাবে বিহু উদযাপন কৰিব নোৱাৰা অসমীয়াই এইবাৰ দুগুন উৎসাহেৰে বিহু পালন কৰিবৰ বাবে সাজু হৈছে ৷
লগতে পঢ়ক: মাজুলীত বিহুনাচ কৰ্মশালা সম্পন্ন
