চিৰাং,16 ছেপ্তেম্বৰঃ মঙলবাৰে নিশা চিৰাঙৰ ঢালিগাঁওত চিৰাং আৰক্ষীৰ ড্ৰাগছ বিৰোধী অভিযানত ড্ৰাগছ,নগদ ধনসহ গ্ৰেপ্তাৰ এজন লোক । চিৰাং সদৰ অতিৰিক্ত আৰক্ষী অধিক্ষক প্ৰকাশ মেধীৰ নেতৃত্বত চলা অভিযানত ঢালিগাঁওৰ আইঅচি গেটৰ ওচৰৰ পৰা ইয়াচিন আলী (২০) ছাতিপুৰ গাাঁওৰ বাসিন্দা এজনক লোক গ্ৰেপ্তাৰ কৰে । গ্ৰেপ্তাৰ লোকজনৰ পৰা ৯ টা ড্ৰাগছ ভৰ্তি প্লাষ্টিক কন্টেইনাৰ উদ্ধাৰৰ লগতে এখন ছাইকেলসহ নগদ 5550 টকা ম’বাইল ফোন জব্দ কৰিবলৈ সক্ষম হয় আৰক্ষীয়ে ।
গ্ৰেপ্তাৰ কৰা লোক জনৰ বিৰুদ্ধে ঢালিগাঁও থানাত ২৩১/২০ নম্বৰ গোচৰ পঞ্জীয়ন কৰিছে আৰক্ষীয়ে । আন এটা ড্ৰাগছৰ অনুসন্ধানত বিজনী থানাৰ অন্তৰ্গত কাৱাটিকাত আৰক্ষীয়ে অভিযান চলাই কিছু আপত্তিজনক সামগ্ৰী উদ্ধাৰ কৰে যদিও লোকজনক গ্ৰেপ্তাৰ কৰিব নোৱাৰে । নিশাৰ অন্ধকাৰৰ সুযোগলৈ পলাবলৈ সক্ষম হয় ড্ৰাগছ সৰবৰাহকাৰী। সম্প্ৰতি সমগ্ৰ ঘটনা সন্দৰ্ভত আৰক্ষীয়ে অভিযান অব্যাহত ৰাখিছে ।
