চিৰাঙৰ দৈমুগুৰিত মাৰণাস্ত্ৰ সহ গ্ৰেপ্তাৰ NDFB সদস্য ৰাজু ব্ৰহ্ম

আৰক্ষীয়ে এন ডি এফ বি (ছা)ৰ সদস্য জনৰ পৰা প্লাষ্টিকত মেৰিয়াই থোৱা বিদেশত নিৰ্মিত এক নলা বন্দুক, AK47 ৰ দহ জাই সজীৱ গুলি, এটা গ্ৰেনেড উদ্ধাৰ কৰে। সম্প্ৰতি পানবাৰী থানাত জেৰা অব্যাহত  ৰাখিছে  আৰক্ষীয়ে ।

চিৰাং, 13 অক্টোবৰ: চিৰাং জিলাৰ পানবাৰী থানাৰ অন্তৰ্গত ভাৰত-ভূটান সীমান্তত সেনা-আৰক্ষী আৰু চি আৰ পিফৰ এক যৌথ অভিযানত গ্ৰেপ্তাৰ হয় দৈমুগুৰি গাঁওৰ ৰাজু ব্ৰহ্ম (৩০) নামৰ এজন এন ডি এফ বি (ছা)ৰ সদস্য । আৰক্ষীয়ে এন ডি এফ বি (ছা)ৰ সদস্য জনৰ পৰা প্লাষ্টিকত মেৰিয়াই থোৱা বিদেশত নিৰ্মিত এক নলা বন্দুক, AK47 ৰ দহ জাই সজীৱ গুলি, এটা গ্ৰেনেড উদ্ধাৰ কৰে। সম্প্ৰতি পানবাৰী থানাত জেৰা অব্যাহত ৰাখিছে আৰক্ষীয়ে ।

তথ্য অনুসৰি, ইয়াৰ পূৰ্ব্বতেও বাঘ মৰাৰ গোচৰত গ্ৰেপ্তাৰ হৈছিল এই সদস্যজন । এই ঘটনাৰ ৩মাহ মাৰ নাযাওতেই আকৌ ৰঙা ঘৰৰ আলহী হ'ল ৰাজু ব্ৰক্ষ্ম। উল্লেখ্য যে, বিলাসীপাৰা আৰক্ষীয়ে শনিবাৰে মাৰনাস্ত্ৰ সহ আটক কৰা সুনিলাল বড়োৰ স্বীকাৰোক্তিত ৰাজু ব্ৰক্ষ্মৰ বাসগৃহত অভিযান চলাই গ্ৰেপ্তাৰ কৰে ৰাজু ব্ৰক্ষ্মক। আৰক্ষীয়ে জানিব দিয়া মতে, ৰাজু ব্ৰক্ষ্ম এন ডি এফ বি(ছা)ৰ লিঙ্কমেন হৈ কাম চলাই আছিল ।