চিৰাঙ,5 ছেপ্তেম্বৰঃ শনিবাৰে চিৰাং জিলাৰ বৰতালোৱাত আয়োজিত এক সংবাদ মেলত কমতাপুৰ প্ৰগ্ৰেছিভ পাৰ্টীৰ সভাপতি প্ৰদিপ কুমাৰ ৰায়ে কয় যে, কমতাপুৰ আন্দোলনক বিভাজন কৰাৰ উদ্দেশ্যে এই স্বায়ত্ব শাসিত পৰিষদ প্ৰদান কৰিছে । আমি কমতাপুৰ আন্দোলনক অসম চৰকাৰে মান্যতা প্ৰদান কৰাৰ বাবে অসম চৰকাৰক ধন্যবাদ জনাইছোঁ। কিন্তু যেতিয়ালৈকে কমতাপুৰক সম্পূৰ্ণ ৰাজ্যৰ মৰ্যদা প্ৰদান নকৰে তেতিয়ালৈকে আন্দোলন চলাই যাব বুলি উল্লেখ কৰে ৷ ১৯৬৭ চনৰে পৰা জনজাতীয় কৰণৰ বাবে আন্দোলন কৰি আহিছে কোচ ৰাজবংশীৰ লোক সকলে । কিন্তু চৰকাৰে জনজাতীকৰণ নকৰি ক্ষুদ্ৰ স্বায়ত্বশাসিত পৰিষদ দিয়েই দায়িত্ব সামৰিছে । ইয়াৰ দ্বাৰা তেঁওলোকৰ মাজত চৰকাৰে বিভাজন আনিব বিচাৰিছে বুলি গুৰুত্বপূৰ্ণ মন্তব্য প্ৰকাশ কৰে সভাপতি গৰাকীয়ে ।
আনহাতে একেখন সংবাদমেলতে কমতাপুৰ প্ৰগ্ৰেছিভ পাৰ্টীয়ে মন্তব্য প্ৰকাশ কৰে যে, এই স্বায়ত্ব শাসিত পৰিষদত কি আছে আমি নাজানো । জনজাতীকৰণ নোহোৱাকৈ স্বায়ত্ব শাসিত পৰিষদ প্ৰদানেৰে চৰকাৰে কি কৰিব বিচাৰিছে সেয়া এতিয়াও আমাৰ বোধগম্য হোৱা নাই । লগতে দলটোৰ নেতৃত্বই কমতাপুৰী ভাষাটোক ৰাজ্যিক ভাষাৰ মৰ্যাদা প্ৰদানৰ দাবী জনায় অসম চৰকাৰৰ ওচৰত । সংবাদ মেলত দলটোৰ সাধাৰণ সম্পাদক উত্তম কুমাৰ ৰায়, সম্পাদক নিৰ্মল কুমাৰ ৰায়, চিৰাং জিলাৰ উপ সভাপতি ভিমসেন বৰ্মন সহ বহুকেইজন নেতা কৰ্মি উপস্থিত থাকে ।
লগতে পঢ়কঃ সুস্থিৰ হৈছে প্ৰাক্তন মুখ্যমন্ত্ৰী প্ৰফুল্ল কুমাৰ মহন্তৰ স্বাস্থ্য
