চিৰাঙ,2জুলাইঃ চিৰাঙৰ বিজনীত অবৈধ তথা চোৰাং খয়েৰ কাঠ ভৰ্তি ট্ৰাক জব্দ । ৩১ নং ৰাষ্ট্ৰীয় ঘাই পথৰ বিজনী টোলগেটত জব্দ কৰে অবৈধ খয়েৰ কাঠখিনি। গোপন তথ্যৰ ভিত্তিত আৰক্ষীয়ে অভিযান চলাই বহি:ৰাজ্যলৈ নি থকাৰ অৱস্থাত জব্দ কৰে মূল্যবান খয়েৰ কাঠ ভৰ্তি গাড়ী খন।
জব্দ ট্ৰাক গাড়ী খন এইচ আৰ ৫৫-এম-৯০৭৬ নম্বৰৰ। গাড়ীখনৰ সৈতে আটক কৰা হৈছে তিনি জন হাৰিয়ানাৰ ব্যক্তি আৰু এজন চিৰাঙ জিলাৰ বিজনী ভাওৰাগুৰীৰ লোক। আটকাধীন চাৰিজন ক্ৰমে: ধমেন্দ্ৰ, সতিশ কুমাৰ, ৰাজেশ সিং আৰু হুৰমুজ আলী। জব্দ ট্ৰাকখন বিজনী থানাত ৰখাৰ লগতে আটকাধীন লোক কেইজনক আৰক্ষীয়ে জেৰা অব্যাহত ৰাখিছে বুলি জানিব পৰা গৈছে ।
