চিৰাঙত হৰিশ ৰাৱাটৰ সংবাদমেল

শনিবাৰে চিৰাঙৰ ছাপাগুৰিৰ হোটেল ছিগনেটত কংগ্ৰেছৰ অসমৰ দায়িত্বত থকা তত্বাৱধায়ক হৰিশ ৰাৱাটৰ সংবাদমেল ৷ সংবাদমেলৰ পাচতে কংগ্ৰেছ নেতাগৰাকীয়ে কোকৰাঝাৰ আৰু বৰপেটা লোকসভা সমষ্টিৰ বাবে প্ৰচাৰ অভিযানত অংশগ্ৰহণ কৰে ।

চিৰাং,20এপ্ৰিল: শনিবাৰে চিৰাঙত কংগ্ৰেছৰ ৰাষ্ট্ৰীয় সাধাৰণ সম্পাদক তথা অসমৰ তত্বাৱধায়ক হৰিশ ৰাৱাটে এক সংবাদ মেল সম্বোধন কৰে । এই সংবাদমেলত অসমৰ মানুহে এইবাৰ নাগৰিকত্ব সংশোধনী বিধেয়কৰ বিৰোধিতা কৰি কংগ্ৰেছক ভোটপ্ৰদান কৰিব বুলি মন্তব্য কৰে ৷ লগতে কংগ্ৰেছ দলে শাসনলৈ আহিলে অসম চুক্তি ৰূপায়ন, বিটিচিত বিভিন্ন ক্ষেত্ৰত উন্নয়নৰ লগতে ভাতৃবোধ আৰু অনাবড়ো লোকৰ নিৰাপত্তা নিশ্চিত কৰিব বুলি মন্তব্য প্ৰকাশ কৰে ৷ ইপিনে এইবাৰ কংগ্ৰেছৰ বিজয় নিশ্চিত সংবাদমেলযোগে কংগ্ৰেছৰ জেষ্ঠ নেতাজনে উল্লেখ কৰে ৷

আনহাতে কোকৰাঝাৰ লোকসভা সমষ্টিৰ কংপ্ৰেছ প্ৰাৰ্থী শব্দৰাম ৰাভাৰ বিৰুদ্ধে নৱ শৰণীয়াই বিপিএফৰ সৈতে গোপন মিত্ৰতাৰ অভিযোগ ভিত্তিহীন বুলি মন্তব্য কৰে ৷ এবি এম এচ ইউৰ সভাপতি লাফিকুল হত্যাৰ চি বি আই তদন্তৰ গুৰুত্ব সহকাৰে লৈ তদন্ত প্ৰক্ৰিয়া আগবঢ়াই লোৱাৰ প্ৰতিশ্ৰুতি দিয়ে কংগ্ৰেছ প্ৰাৰ্থীগৰাকীয়ে । উল্লেখ্য যে চিৰাঙৰ ছাপাগুৰিৰ হোটেল ছিগনেটত আয়োজিত এই সংবাদমেলত কংগ্ৰেছৰ ৰাষ্ট্ৰীয় সাধাৰণ সম্পাদক হৰিশ ৰাৱাটৰ সৈতে প্ৰদেশ কংগ্ৰেছৰ সাধাৰণ সম্পাদক বিশ্বজিত ৰায়, কোকৰাঝাৰ লোকসভা সমষ্টিৰ প্ৰাৰ্থী শব্দৰাম ৰাভা উপস্থিত থাকে ।