খেল’ ইণ্ডিয়াত স্বৰ্ণ জিনিলে চিৰাঙৰ ৰাজীৱে

গুৱাহাটীত অনুষ্ঠিত হৈ থকা খেল’ ইণ্ডিয়াত স্বৰ্ণ পদক অৰ্জন কৰিবলৈ সক্ষম হৈছে চিৰাঙৰ এজন ষুৱকে ৷ যুৱকজনে ৰিলে দৌৰত স্বৰ্ণ পদক অৰ্জন কৰিবলৈ সক্ষম হয় ৷ ৰাজীৱ ব্ৰহ্ম নামৰ যুৱকজন চিৰাঙৰ বিজনীৰ ভিতৰুৱা অঞ্চল লাবদাংগুৰীৰ বাসিন্দা ৷

চিৰাং,15 জানুৱাৰীঃ ভোগালী বিহুৰ সমান্তৰালকৈ চিৰাং জিলালৈ আহিছে এক সুখবৰ ৷ গুৱাহাটীত অনুষ্ঠিত হৈ থকা খেল’ ইণ্ডিয়াত স্বৰ্ণ পদক অৰ্জন কৰিবলৈ সক্ষম হৈছে চিৰাঙৰ এজন ষুৱকে ৷ যুৱকজনে ৰিলে দৌৰ প্ৰতিযোগিতাত স্বৰ্ণ পদক অৰ্জন কৰিবলৈ সক্ষম হয় ৷ ৰাজীৱ ব্ৰহ্ম নামৰ যুৱকজন চিৰাঙৰ বিজনীৰ ভিতৰুৱা অঞ্চল লাবদাংগুৰীৰ বাসিন্দা ৷

বুধবাৰে গৃহজিলাত উপস্থিত হোৱা ৰাজীৱ ব্ৰহ্মক বিজনী ৰে’ল ষ্টেচনত বিভিন্ন দল-সংগঠনে সম্বৰ্ধনা জনায় ৷ বিশেষকৈ জন্মগাঁও লাবদাংগুৰী পোৱাৰ ২ কিল’মিটাৰ পূৰ্ব্বৰ উলুবাৰীৰ পৰা বিভিন্ন দল-সংগঠনে খেলুৱৈ গৰাকীক সম্বৰ্ধনা জনাই আদৰি আনে ৷ খেলুৱৈ গৰাকীৰ কৃতিত্বত স্বাভাৱিকতে উৎফুল্লিত হৈ পৰে বিজনী আঞ্চলিক এবছু, চিৰাং জিলা আছুৰ লগতে স্থানীয় দল-সংগঠন ৷

জিলাখনলৈ পূৰ্বতেও ৰাষ্ট্ৰীয়-আন্তঃৰাষ্ট্ৰীয় খেলুৱৈয়ে স্বৰ্ণ পদক অৰ্জন কৰি সুনাম কঢ়িয়াই আনিবলৈ সক্ষম হৈছিল । কৃষ্ণকান্ত ব্ৰহ্ম আৰু জাগাউৰি ব্ৰহ্মৰ পুত্ৰ ৰাজীৱৰ এই সফলতাৰ বাবে পৰিয়ালটোলৈ আহিছে আনন্দৰ বতৰা ৷

লগতে চাওকঃবটদ্ৰৱাৰ সত্ৰাধিকাৰ পৰমানন্দ দেৱ মহন্তৰ বিয়োগ