ৰৌমাৰীৰ তেল ডিপোত ভেজাল তেল

চিৰাঙৰ ৰৌমাৰীস্থিত ইণ্ডিয়ান অইলৰ তেল ডিপোত উলাইছে ভেজাল তেল । ভেজাল তেল ব্যৱহাৰ কৰি ইতিমধ্যে বহু কেইগৰাকী লোকৰ বাহন হৈছে ক্ষতিগ্ৰস্ত ৷ সোমবাৰে পূৱাৰে পৰা ক্ষতিপূৰণ বিচাৰি ভোক্তভোগী সকল আহি ডিপোত উপস্থিত হৈছে যদিও তেল ডিপোত তলা লগাই পলাতক মালিকৰ লগতে সকলো কৰ্মচাৰী ৷

চিৰাং, 11 জুন: চিৰাঙৰ ৰৌমাৰীৰ এটা তেল ডিপোত ভেজাল তেল বিক্ৰী কৰাৰ অভিযোগ গ্ৰাহকৰ ৷ অভিযোগ অনুসৰি ভেজাল তেল ব্যৱহাৰ কৰি ক্ষতি হৈছে বহু লোকৰ বাহন ৷ চিৰাং জিলাৰ ৰৌমাৰীস্থিত ইণ্ডিয়ান অইলৰ তেল ডিপোত সংঘটিত হৈছে এই কাণ্ড ৷ অভিযোগকাৰী সকলৰ মতে তেলৰ ৰং দেখিলেই তেলৰ গুণাগুণ বুজিব পাৰি ৷ উল্লেখ্য যে, ৰৌমাৰীৰ এই তেল ডিপোটোৰ স্বত্বাধিকাৰী হৈছে চিৰাং জিলাৰ বিপিএফৰ উপ-সভাপতি শশাংক ব্ৰহ্ম ৷

ক্ষতিপূৰণ বিচাৰি সোমবাৰে পূৱাৰে পৰা গ্ৰাহকসকল তেল ডিপোত আহি ভিৰ কৰেহি যদিও তলা বন্ধ কৰি পলায়ন কৰে তেল ডিপোৰ কৰ্মচাৰীসকল ৷ অভিযোগ অনুসৰি তিনিদিন ধৰি ডিপোটোত বিক্ৰী কৰি আহিছিল ভেজাল তেল ৷ এই বিষয়ে চিৰাং জিলা উপায়ুক্তক অৱগত কৰাৰ পাচত উপায়ুক্তই তেল ডিপোটোৰ বিৰুদ্ধে ব্যৱস্থা গ্ৰহণ কৰাৰ আশ্বাস দিয়ে অভিযোগকাৰীসকলক ৷