চিৰা, 18 নৱেম্বৰ : দেওবাৰে চিৰাং জিলাৰ ৰৌমাৰীৰ সমূহীয়া কেন্দ্ৰত অনুষ্ঠিত এখন সভাত ইউ পি পি এলৰ ১০৬ জন সদস্য-সদস্যাই আনুষ্ঠনিকভাৱে মন্ত্ৰী চন্দন ব্ৰহ্মৰ উপস্থিতিত বিপিএফ দলত যোগদান কৰে । জিলাখনৰ বিপিএফ দলে আয়োজন কৰা এই সভাত মন্ত্ৰী চন্দন ব্ৰহ্মই বিপিএফত যোগদান কৰা সদস্যসকলক বড়ো সকলৰ পৰম্পৰাগত আৰ্ণাইৰে আদৰণি জনায় ।
উল্লেখ্য যে "বিগত সময়ছোৱাত বিটিচি প্ৰধান হাগ্ৰামা মহিলাৰীৰ নেতৃত্বত যি উন্নতি হৈছে সেয়া সকলোৱে শলাগ লৈছে । সেয়ে আজি ৰৌমাৰী ইউপিপিএলৰ প্ৰাথমিক সমিতিৰ সভাপতি অজয় মুচাহাৰীৰ নেতৃত্বত ১০৬ জন সদস্যই বিপিএফত যোগদান কৰি ৰৌমাৰীত ইউপিপিএল নিশেষ কৰিলে" বুলি অনুষ্ঠানত মন্ত্ৰীজনে মন্তব্য কৰে ।
ইয়াৰোপৰি নৱ শৰণীয়াই বিটিচিৰ পৰা গাঁও কৰ্তন কৰাৰ নামত লাখ লাখ টকা সংগ্ৰহ কৰিলে কিন্ত আজিলৈ একো নহ'ল । আমাৰ অঞ্চলত কোনো ধৰণৰ উন্নয়নমূলক কাম নকৰিলে । আমি নৱ শৰণীয়াৰ কথা মতে আমাৰ মাজতে বড়ো-অবড়োৰ বিভাজন কৰিলো,কোনো উন্নয়ন নহ'ল বুলি সাংসদ নৱ শৰণীয়াক সমালোচনা কৰি চন্দন ব্ৰহ্মই মন্তব্য কৰে ৷
