চিৰাঙৰ কাজলগাঁও পৌৰসভাৰ উদ্যোগত সজাগতা সভা

চিৰাঙৰ কাজলগাঁও পৌৰসভাৰ উদ্যোগত ছাপাগুৰিত অনুস্থিত কৰা হয় এখনি সজাগতা সভা৷ ড্ৰাগছ, জলবায়ু পৰিৱৰ্তন, প্লাষ্টিক প্ৰদূষণ, স্বচ্ছ ভাৰত অভিযান আৰু যান-বাহন সংশোধিত বিল ২০১৯ আদিৰ দৰে কেইবাটাও বিষয় আলোচনা কৰা হয় উক্ত সভাত৷

চিৰাং, 7 চেপ্তেম্বৰঃ চিৰাঙৰ কাজলগাঁও পৌৰসভাৰ উদ্যোগত ছাপাগুৰিত অনুষ্ঠিত কৰা হয় এখন সজাগতা সভা৷ ড্ৰাগছ, জলবায়ু পৰিৱৰ্তন, প্লাষ্টিক প্ৰদূষণ, স্বচ্ছ ভাৰত অভিযান আৰু যান-বাহন সংশোধিত বিল ২০১৯ আদিৰ দৰে কেইবাটাও বিষয় আলোচনা কৰা হয় উক্ত সভাত৷ কাজলগাঁও পৌৰসভাৰ সভাপতি পানীৰাম ব্ৰহ্মৰ পৌৰহিত্যত অনুষ্ঠিত আৰু ছাপাগুৰিৰ সমাজকৰ্মী সুকুমাৰ বসুমতাৰীয়ে পৰিচালনা কৰা সজাগতা সভাখনত চিৰাং জিলাৰ সহকাৰী আয়ুক্ত ৰিংখাং মুছাহাৰীও উপস্থিত থাকে৷ চিৰাং জিলাৰ ভাৰপ্ৰাপ্ত জিলা পৰিবহন বিষয়া সমেশ্বৰ মুছাহাৰীয়ে কেন্দ্ৰীয় চৰকাৰে নতুনকৈ প্ৰৱৰ্তন কৰা যান-বাহন আইন ২০১৯ সম্পৰ্কে অৱগত কৰি সকলোকে সচেতন হ'বলৈ আহ্বান জনায়৷ উক্ত সভাত নতুন যান বাহন আইন সজাগতাৰ লক্ষ্যৰে গোহাৰি পত্ৰও বিতৰণ কৰা হয়৷