চিৰাং, 29 এপ্ৰিলঃ সোমবাৰে পুৱতি নিশা বঙাইগাঁও সদৰৰ ভাকাৰীভিটাত বিবাহস্থলীত উদণ্ড যুৱকৰ তাণ্ডৱ । উদণ্ড যুৱকে চোকা অস্ত্ৰৰে ঘপিয়ালে বিয়াঘৰৰ চাৰিজনকৈ লোকক। ধুবুৰীৰ চাপৰ শালকোচাৰ পৰা ভাকাৰীভিটালৈ আহিছিল দৰাপক্ষ । বিবাহ কাৰ্য সম্পন্ন হোৱাৰ পিচত সংঘটিত হয় এই ঘটনা । চোকা অস্ত্ৰসহ মাজেন ৰায়ে সংঘটিত কৰে এই ঘটনা ।
বঙাইগাঁৱৰ ভাকাৰিভিটাৰ বিবাহস্থলীত যুৱকৰ তাণ্ডৱ
আৰু পঢ়কঃ 9 ৰাজ্যৰ 71টা সমষ্টিত ভোটগ্ৰহণ আৰম্ভ
ইতিমধ্যে বঙাইগাঁও আৰক্ষীয়ে মাজেন ৰায়ক আটক কৰিছে । যুৱক জনৰ আক্ৰমণত বেয়াকৈ আঘাতপ্ৰাপ্ত হয় ৰথীন বৰ্মন, দিগন্ত ৰায়, বুবুল দাস আৰু স্বপন বৰ্মন । ইয়াৰে ৰথীন বৰ্মনৰ অৱস্থা সংকটজনক বুলি জানিব পৰা গৈছে । এই ধৰণৰ ঘটনাক অঞ্চলবাসীয়ে সৰ্বত্ৰে গৰিহণা দিয়াৰ লগতে অতি শীঘ্ৰেই দোষীক শাস্তি দিয়াৰ দাবী উত্থাপন কৰিছে ৷
