চিৰাং, ০৭ মাৰ্চ : চিৰাঙৰ বেংতল অসম গ্ৰামীন বিকাশ বেংকৰ শাখাত দিন ডকাইতি । বৃহস্পতিবাৰে চিৰাঙৰ বেংতল অসম গ্ৰামীন বিকাশ বেংকত কামকাজ চলি থকা অৱস্থাতে দুৰ্বৃত্তই লুটি নিলে দুই লক্ষ্যাধিক টকা । ঘটনাক কেন্দ্ৰ কৰি বৰ্তমানেও তীব্ৰ চাঞ্চল্য বেংতল অঞ্চলত ।চিৰাঙৰ ৰুনিখাতা থানাৰ অন্তৰ্গত বেংতল আৰক্ষী চকীৰ আৰক্ষী উপস্থিত হৈ তদন্ত আৰম্ভ কৰিছে যদিও এই মুহুৰ্তলৈকে কোনো এজাহাৰ দিয়া নাই বেংক কৰ্তৃপক্ষৰ পৰা । ঘটনাত শাখাটোৰ কোনো কৰ্মচাৰী জৰিত থকাৰ সন্দেহ আৰক্ষীৰ প্ৰাথমিক তদন্তত ।
উল্লেখ্য যে, দুবছৰ পূৰ্ব্বে এন ডি এফ বি (স)ৰ ভাৱুকি আৰু ধন দাবীৰ পিচত কিছুদিন বন্ধ আছিল যদিও স্থানীয় ৰাইজৰ দাবী আৰু নিৰাপত্তাত পুনৰ আৰম্ভ কৰা হৈছিল গাৱলীয়া বেংকৰ শাখাটো ।
